ખૌફનાક / માથે હથોડાના 50 ઘા મારી ભારતીય વિદ્યાર્થીની અમેરિકામાં કરપીણ હત્યા, ભારતે ઘટનાને વખોડી

• અમેરિકામાં ભારતીય વિદ્યાર્થીની કરપીણ હત્યા 
• અમેરિકાના જ્યોર્જિયાના લિથોનિયા શહેરમાં MBAનો અભ્યાસ કરતા વિદ્યાર્થીની હત્યા 
• 25 વર્ષના વિવેક સૈનીની માથા પર 50 વખત હથોડા મારી હત્યા કરી
• વિદ્યાર્થીની હત્યા બાદ USAમાં સ્થિત ભારતીયોએ ઘટનાની કરી નિંદા

અમેરિકામાં ભારતીય વિદ્યાર્થીની ઘાતકી હત્યા કરવામાં આવી હતી. બેઘર ડ્રગ એડિક્ટ કે જેને ભારતીય વિદ્યાર્થી મદદ કરી રહ્યો હતો તેણે તેને હથોડીથી 50 વાર ફટકારીને તેનો જીવ લીધો. આ ઘટના અમેરિકાના જ્યોર્જિયા રાજ્યના લિથોનિયા શહેરમાં બની છે. હરિયાણાના પંચકુલામાં રહેતા વિવેક સૈની (25)એ લિથોનિયાથી MBA કર્યું છે. તે એક સ્ટોરમાં પાર્ટ ટાઈમ કામ પણ કરતો હતો. વિવેકે બે વર્ષ પહેલા જ બી.ટેક પૂર્ણ કર્યું હતું. વધુ અભ્યાસ માટે તેઓ અમેરિકા ગયા, જ્યાં તેમણે બિઝનેસ એડમિનિસ્ટ્રેશનમાં માસ્ટર ડિગ્રી મેળવી.

વિવેક જે સ્ટોરમાં કામ કરતો હતો તેની સામે જુલિયન ફોકનર નામના ડ્રગ્સ એડિક્ટે ઘણા સમયથી પડાવ નાખ્યો હતો. ફોકનર બેઘર હતો, તેથી દયાથી, વિવેક તેને છેલ્લા 3-4 દિવસથી મફત ચિપ્સ, કોક અને પાણી આપી રહ્યો હતો. એટલું જ નહીં, વિવેકે ડ્રગ એડિક્ટ ફોકનરને ઠંડીથી બચાવવા માટે એક જેકેટ પણ આપ્યું હતું.

We are deeply anguished by the terrifying, brutal, & heinous incident that led to the death of 🇮🇳 National/student Mr Vivek Saini & condemns attack in the strongest terms. It is understood that the US authorities have arrested the accused & are investigating the case. 1/2

— India in Atlanta (@CGI_Atlanta) January 29, 2024

હત્યારો મૃતદેહ ઉપર ઊભો જોવા મળ્યો
ત્રણ-ચાર દિવસ વીતી ગયા પછી પણ જુલિયન ફોકનર વિવેકને દરરોજ ફ્રીમાં સામાન આપવાની માગણી કરતો હતો. વિવેકે તેને ઘણી વખત ના પાડી હતી. 16 જાન્યુઆરીએ ફોકનરે ફરી એકવાર વિવેકને સામાન મફતમાં આપવા કહ્યું. વારંવાર હેરાન થવા પર વિવેકે ફોકનરને ત્યાંથી જવાનું કહ્યું. વિવેકે ફોકનરને કહ્યું કે જો તે નહીં જાય તો તેણે પોલીસને બોલાવવી પડશે. આનાથી ગુસ્સે થઈને ફોકનરે વિવેક પર હુમલો કર્યો અને તેના માથા પર હથોડીથી 50 વાર માર્યો. વિવેકનું ઘટનાસ્થળે જ મોત થયું હતું. ઘટનાની માહિતી મળતાં પોલીસ ઘટનાસ્થળે પહોંચી ત્યારે ફોકનર વિવેકના મૃતદેહ ઉપર ઊભો હતો.

વધુ વાંચોઃ ઘરના બજેટથી સમજો સરકારનું બજેટ, આ વખતનું અલગ, લોકસભામાં જ કેમ? ઈન્ટરેસ્ટીંગ કારણ
 

અમેરિકન પોલીસે આરોપીની ધરપકડ કરી
ભારતીય વિદ્યાર્થી સાથેની દર્દનાક ઘટના બાદ ભારતીય કોન્સ્યુલેટે સોશિયલ મીડિયા પર પોસ્ટ કરીને દુઃખ વ્યક્ત કર્યું છે. દૂતાવાસ વતી કહેવામાં આવ્યું છે કે અમેરિકન અધિકારીઓએ આરોપીની ધરપકડ કરી છે. કેસની તપાસ ચાલી રહી છે. વિવેક સૈનીના પરિવાર સાથે વાત કરવામાં આવી છે. દૂતાવાસ તેમના પાર્થિવ દેહને ભારત પરત મોકલવામાં મદદ કરી રહ્યું છે. એમ્બેસી પરિવાર સાથે સતત સંપર્કમાં છે.