તમારા કામનું / ઇન્ડિયન એરફોર્સમાં સીધી ભરતી, જલ્દી કરો અરજી; જાણો આખી પ્રોસેસ

જો તમે 10મું પાસ કર્યું છે અને સરકારી નોકરીની શોધમાં છો, તો આ તક તમારા માટે ઉપયોગી સાબિત થઈ શકે છે. ઇન્ડિયન એરફોર્સ દ્વારા HQ મેન્ટેનન્સ કમાન્ડ હેઠળ કુલ 6 જગ્યાઓ માટે ભરતી પ્રક્રિયા શરૂ કરવામાં આવી છે. ઉમેદવારોએ ઓફલાઇન અરજી કરવી પડશે અને અરજી પોસ્ટ દ્વારા મોકલવાની રહેશે. અરજી કરવાની છેલ્લી તારીખ 27 જુલાઈ, 2026 નક્કી કરવામાં આવી છે.

ઇન્ડિયન એરફોર્સમાં ભરતી માટે અરજી શરૂ

ભારતીય વાયુસેનાએ ગ્રુપ C સિવિલિયન કેટેગરી હેઠળ મલ્ટી-ટાસ્કિંગ સ્ટાફ (MTS) અને અન્ય સંબંધિત પદો માટે ભરતીની જાહેરાત કરી છે. આ ભરતી દ્વારા HQ મેન્ટેનન્સ કમાન્ડમાં કુલ 6 ખાલી જગ્યાઓ ભરવામાં આવશે. રસ ધરાવતા ઉમેદવારોને અરજી ફોર્મ ઓફલાઇન ભરીને નિર્ધારિત સરનામે પોસ્ટ દ્વારા મોકલવું પડશે.

પસંદગી કેવી રીતે થશે?

ઉમેદવારોની પસંદગી મુખ્યત્વે લખિત પરીક્ષા (Written Exam) ના આધારે કરવામાં આવશે.

• સિલેક્શન પ્રોસેસના સ્ટેપ્સ
• અરજી ફોર્મ અને દસ્તાવેજોની તપાસ
• ઉંમર અને શૈક્ષણિક લાયકાતનું ચકાસણું
• લખિત પરીક્ષા
• દસ્તાવેજ ચકાસણી (Document Verification)
• લેખિત પરીક્ષામાં સફળ થયેલા ઉમેદવારોને જ દસ્તાવેજ ચકાસણી માટે બોલાવવામાં આવશે.

અરજી માટે જરૂરી લાયકાત

આ પદો માટે અરજી કરનાર ઉમેદવારે કોઈ માન્ય બોર્ડમાંથી ધોરણ 10 પાસ કરેલું હોવું જોઈએ.

આ ઉપરાંત નીચેના ક્ષેત્રોમાં ઓછામાં ઓછો 1 વર્ષનો અનુભવ હોવો જરૂરી છે:

• વોચમેન
• લશ્કર
• ગેસ્ટેટનર ઓપરેટર
• માળી
• ઉંમર મર્યાદા

આ પણ વાંચોઃ પાસપોર્ટ, આધાર કાર્ડ, LPG... એક જુલાઈથી બદલાઈ રહ્યા છે ઘણા નિયમ

અરજી કરનાર ઉમેદવારની ઉંમર

• ઓછામાં ઓછી: 18 વર્ષ
• વધુમાં વધુ: 25 વર્ષ
• સરકારી નિયમો મુજબ અનામત વર્ગના ઉમેદવારોને ઉંમરમાં છૂટછાટ મળી શકે છે.

પગાર કેટલો મળશે?

પસંદ થયેલા ઉમેદવારોને 7મા પગાર પંચ (7th Pay Commission) મુજબ પે મેટ્રિક્સ લેવલ-1 હેઠળ પગાર આપવામાં આવશે. ઉપરાંત અન્ય સરકારી ભથ્થાઓનો લાભ પણ મળશે.

અરજી માટે જરૂરી દસ્તાવેજો

અરજી સાથે નીચેના દસ્તાવેજોની નકલ જોડવી જરૂરી છે:

• 10મીની માર્કશીટ
• જન્મતારીખ અથવા ઉંમરનો પુરાવો
• અનુભવ પ્રમાણપત્ર
• જાતિ પ્રમાણપત્ર (જો લાગુ પડતું હોય)
• PwBD પ્રમાણપત્ર
• OBC ઉમેદવારો માટે Non-Creamy Layer પ્રમાણપત્ર
• EWS ઉમેદવારો માટે આવક અને સંપત્તિ પ્રમાણપત્ર
• પાસપોર્ટ સાઇઝનો ફોટોગ્રાફ

અરજી કેવી રીતે મોકલવી?

અરજી ફોર્મ હિન્દી અથવા અંગ્રેજીમાં ટાઇપ કરેલું હોવું જોઈએ. તમામ જરૂરી દસ્તાવેજો સાથે અરજી નીચેના સરનામે પોસ્ટ દ્વારા મોકલવાની રહેશે:

Commandant, IAM, IAF,

Vimanapura Post,

Bengaluru – 560017

મહત્વની તારીખ

અરજી કરવાની છેલ્લી તારીખ: 27 જુલાઈ, 2026 તેથી રસ ધરાવતા ઉમેદવારોએ છેલ્લી તારીખ પહેલાં અરજી પ્રક્રિયા પૂર્ણ કરી દેવી જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ