વિજય / IND vs WI T20: સૂર્યકુમાર યાદવની તોફાની બેટિંગનો કમાલ, ભારતે 19મી ઓવરમાં મેચ જીતી લીધી

• ભારતે T-20 શ્રેણીની ત્રીજી મેચમાં વેસ્ટ ઈન્ડિઝને 7 વિકેટે હરાવ્યું
• ભારતે વેસ્ટ ઈન્ડિઝને સિરીઝમાં  2-1થી પાછળ છોડી દીધી
• ત્રીજી મેચમાં સૂર્યકુમાર યાદવે 76 રનની તોફાની બેટિંગ કરી 

ભારતે T-20 શ્રેણીની ત્રીજી મેચમાં વેસ્ટ ઈન્ડિઝને 7 વિકેટે હરાવ્યું. 

આ મેચમાં સૂર્યકુમાર યાદવે 76 રનની શાનદાર ઇનિંગ રમી હતી. જ્યારે ભારત તરફથી ભુવનેશ્વર કુમારે 2 વિકેટ ઝડપી હતી. આ જીત સાથે ભારતે શ્રેણીમાં 2-1ની સરસાઈ મેળવી લીધી છે. પ્રથમ બેટિંગ કરતા વેસ્ટ ઈન્ડિઝે ભારતને 165 રનનો ટાર્ગેટ આપ્યો હતો. જ્યારે ટીમ ઈન્ડિયાએ 19 ઓવરમાં મેચ જીતી લીધી હતી.

7⃣6⃣ off 4⃣4⃣! 👍 👍@surya_14kumar set the stage on fire 🔥 🔥 & bagged the Player of the Match award as #TeamIndia win the third #WIvIND T20I to take 2-1 lead in the series. 👏 👏

Scorecard ▶️ https://t.co/RpAB69ptVQ pic.twitter.com/gIM7E2VbKU

— BCCI (@BCCI) August 2, 2022

ત્રીજી મેચમાં સૂર્યકુમાર યાદવે 76 રનની તોફાની બેટિંગ કરી 

ટીમ ઈન્ડિયા માટે રોહિત શર્મા અને સૂર્યકુમાર યાદવ ઓપનિંગ કરવા આવ્યા હતા. આ દરમિયાન રોહિત 5 બોલમાં 11 રન બનાવીને મેદાનની બહાર થઈ ગયો હતો. જ્યારે સૂર્યકુમારે 76 રનની શાનદાર ઇનિંગ રમી હતી. તેણે 44 બોલમાં 8 ચોગ્ગા અને 4 છગ્ગા ફટકાર્યા હતા. શ્રેયસ અય્યર 27 બોલમાં 24 રન બનાવીને આઉટ થયો હતો. હાર્દિક પંડ્યા 4 રન બનાવીને આઉટ થયો હતો. રિષભ પંતે 26 બોલનો સામનો કરીને 3 ફોર અને 1 સિક્સર ફટકારી હતી. તેણે અણનમ 33 રન બનાવ્યા હતા. જ્યારે દીપક હુડ્ડા 7 બોલમાં 10 રન બનાવીને અણનમ રહ્યો હતો. તેણે બાઉન્ડ્રી ફટકારી.

3RD T20I. India Won by 7 Wicket(s) https://t.co/t7yu85DgrJ #WIvIND

— BCCI (@BCCI) August 2, 2022

ટીમ ઈન્ડિયાએ 19 ઓવરમાં મેચ જીતી લીધી હતી

પ્રથમ બેટિંગ કરતા વેસ્ટ ઈન્ડિઝે 20 ઓવરમાં 5 વિકેટ ગુમાવીને 164 રન બનાવ્યા હતા. આ દરમિયાન કેલેગ મેયર્સે ટીમ માટે 73 રનની શાનદાર ઇનિંગ રમી હતી. તેણે 8 ચોગ્ગા અને 4 છગ્ગા ફટકાર્યા હતા. ઓપનર ખેલાડી બ્રેન્ડન કિંગ 20 બોલમાં 20 રન બનાવીને આઉટ થયો હતો. રોવમેન પોવેલે 14 બોલમાં 23 રન બનાવ્યા હતા. તેની ઇનિંગમાં 2 ચોગ્ગા અને એક છગ્ગાનો સમાવેશ થાય છે. કેપ્ટન નિકોલસ પૂરન 22 રન બનાવીને આઉટ થયો હતો. ભારત તરફથી ભુવનેશ્વર કુમારે 2 વિકેટ લીધી હતી. તેણે 4 ઓવરમાં 35 રન આપ્યા હતા. હાર્દિક પંડ્યાએ 4 ઓવરમાં 19 રન આપીને એક વિકેટ લીધી હતી. અર્શદીપ સિંહે 4 ઓવરમાં 33 રન આપીને એક વિકેટ લીધી હતી. અવેશ ખાનને એક પણ વિકેટ મળી ન હતી. દીપક હુડ્ડાએ એક ઓવરમાં એક રન આપ્યો હતો.