FDI માં નીતિ સુધારણા, રોકાણની સરળતા અને ધંધામાં સુગમતાના કારણે દેશમાં FDI નો પ્રવાહ વધ્યો છે.
રોકાણકારોએ ભારતમાં દર્શાવ્યો ભરોસો
નાણાંકીય વર્ષ 2020-2021ના પ્રથમ દસ મહિનામાં આવ્યું 3.8 લાખ કરોડનું રોકાણ
નીતિગત સુધારા, રોકાણમાં સરળતા અને વેપાર સુગમતાના લીધે વધ્યું FDI
નાણાકીય વર્ષ 2020-2021ના પ્રથમ દસ મહિના દરમિયાન, શેરો દ્વારા પ્રત્યક્ષ વિદેશી રોકાણ 28 ટકા વધીને 54.18 અબજ ડોલર (રૂ 3.8 લાખ કરોડ) થઈ ગયું છે. વાણિજ્ય અને ઉદ્યોગ મંત્રાલયે સોમવારે જાહેર કરેલા આંકડા અનુસાર, ઇક્વિટીમાં FDI નું રોકાણ એક વર્ષ અગાઉ સમાન ગાળામાં 42.34 અબજ ડોલર રહ્યું હતું. નાણાકીય વર્ષ 2020-21ના પ્રથમ 10 મહિનામાં કુલ FDI (મળેલી કમાણીના ફરીથી રોકાણ સહિત) 15 ટકા વધીને 72.12 અબજ ડોલર થઈ છે.
દેશમાં FDI નો પ્રવાહ વધ્યો
આમાં કહેવામાં આવ્યું છે કે "FDI ના કેસમાં નીતિગત સુધારા, રોકાણમાં સરળતા અને વેપાર કરવામાં સુગમતાના કારણે દેશમાં FDI નો પ્રવાહ વધ્યો છે." આ કારણોસર, 2020-21માં એપ્રિલથી જાન્યુઆરીમાં કુલ FDI ઇનફ્લો 72.12 અબજ ડોલર રહ્યો છે. " નિવેદન મુજબ, કોઈપણ નાણાકીય વર્ષના પ્રથમ 10 મહિનામાં તે અત્યાર સુધીની સૌથી વધુ FDI છે. રોકાણ કરનારા દેશોમાં, સિંગાપોર કુલ FDI ઇક્વિટી પ્રવાહમાં 30.28 ટકા શેર સાથે પ્રથમ ક્રમે છે. તે પછી યુનાઇટેડ સ્ટેટ્સ (24.28 ટકા) અને સંયુક્ત આરબ અમીરાત (7.31 ટકા) પછીના સ્થાને છે.
મંત્રાલયના જણાવ્યા અનુસાર ગયા નાણાકીય વર્ષના પ્રથમ 10 મહિનામાં FDI ના સંદર્ભમાં કમ્પ્યુટર સોફ્ટવેર અને હાર્ડવેર ક્ષેત્ર ટોચ પર હતું. આ ક્ષેત્રમાં કુલ FDI નો 45.81 ટકા હિસ્સો આવ્યો હતો. આ પછી કન્સ્ટ્રક્શન (ઇન્ફ્રાસ્ટ્રક્ચર) પ્રવૃત્તિઓ (13.37 ટકા) અને સેવાઓ (7.80 ટકા) હતી. નિવેદનમાં કહેવામાં આવ્યું છે કે, દેશમાં FDI નું આ વલણ સૂચવે છે કે વૈશ્વિક રોકાણકારો ભારતને પ્રેફરન્શિયલ ઇન્વેસ્ટમેન્ટ ડેસ્ટિનેશન તરીકે જોઈ રહ્યા છે.