બિઝનેસ / તમે તો નથી ને ITની રડારમાં! ITRમાં આ જાણકારી સાચી નહીં આપી હોય તો થશે કાર્યવાહી, સ્કીમ જાહેર

આવકવેરા વિભાગને આવા ઘણાં કરદાતાઓની વિગતો ધ્યાને આવી છે કે, જેમણે ઈનકમ ટેક્સ રિટર્નમાં આપેલી જાણકારીમાં થર્ડ પાર્ટી દ્વારા પાપ્ત વ્યાજ, ડિવેડેંડ આવકની મિસમેચ થઈ રહી છે. આવા કિસ્સાઓમાં ઘણા કરદાતાઓ છે જેમણે આવકવેરા રિટર્ન ફાઇલ કર્યું નથી. આવકવેરા વિભાગે આવા કરદાતાઓની ઓળખ કરી છે.આ મિસમેચને દૂર કરવા માટે આવકવેરા વિભાગ કરદાતાઓને ઈ-ફાઈલિંગ પોર્ટલ પર જઈને તેને સુધારવાની મુદત આપી છે. કરદાતાઓને એસએમએસ અને ઈમેલ મોકલીને મિસમેચની જાણકારી આપવામાં આવી રહી છે. 

આવકવેરા વિભાગનું નિવેદન
આવકવેરા વિભાગે જણાવ્યું કે,નાણાકીય વર્ષ 2021-22 અને 2022-23 માટે ફાઈલ કરવામાં આવેલા આવકવેરા રિટર્નમાં વ્યાજ અને ડિવિડન્ડની આવક અંગે કરદાતાઓ દ્વારા આપવામાં આવેલી માહિતીમાં ખામીઓ જોવા મળી છે.થર્ડ પાર્ટી એટલે કે બેંકો અને બ્રોકરેજ હાઉસ પાસેથી વ્યાજ અને ડિવિડન્ડની આવક વિશે મળેલી માહિતી કરદાતાઓના ITRમાં ખામી સર્જાઈ.આવકવેરા વિભાગે કહ્યું કે ઘણા કરદાતાઓ છે જેમણે આવકવેરા રિટર્ન પણ ભર્યું નથી.

વાંચવા જેવું: Paytmમાં વિજય શેખર શર્માના રાજીનામા સાથે કર્મચારીનો આપઘાત, નોકરી જવાનો ડર

ઈ-વેરિફિકેશન 2021 સ્કીમ
આવકવેરા વિભાગે કહ્યું કે, આ મિસમેચને સુધારવા માટે તેણે ઈ-વેરિફિકેશન 2021 સ્કીમ શરૂ કરી છે. ઈન્કમ ટેક્સ ઈ-ફાઈલિંગ વેબસાઈટ https://eportal.incometax.gov.in માં કમ્પ્લાયન્સ પોર્ટલમાં ઓનસ્ક્રીન સુવિધા આપવામાં આવી છે. જેમાં જઈને આ મિસમેચને સુધારો કરી શકાશે.આવકવેરા વિભાગે જણાવ્યું હતું કે હાલમાં નાણાકીય વર્ષ 2021-22 અને 2022-23 માટેના ખામી સંબંધિત માહિતી અનુપાલન પોર્ટલ પર ઉપલબ્ધ છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો