નવરાત્રિ 2019 / 50 કિલો સોનું જડેલી આ છે નવરાત્રિની સૌથી મોંઘી મૂર્તિ, જાણો ક્યાં છે અને શું છે કિંમત?

• દુર્ગા પૂજા માટે બનાવવામાં આવી છે આ ખાસ મૂર્તિ
• મૂર્તિ પર જડવામાં આવ્યું છે 50 કિલો સોનું
• અંદાજે 20 કરોડના ખર્ચે બની છે આ દુર્ગામાતાની મૂર્તિ
• મૂર્તિની સુરક્ષા માટે કરવામાં આવી છે ખાસ વ્યવસ્થા

દરેક ધર્મના લોકોને પોતાનો તહેવાર હોય છે. ભક્તો માતાજીનો તહેવાર ધામધૂમથી મનાવતા હોય છે. આ વર્ષે કોલકત્તામાં દુર્ગા પંડાલ માટે માતાજીની ખાસ મૂર્તિ બનાવવામાં આવી છે. 50 કિલો સોનું જડેલી આ મૂર્તિનું દુર્ગા પૂજામાં ખાસ મહત્વ રહેશે.

જાણો મૂર્તિની કિંમત

દુર્ગા માતાની મૂર્તિ અને પંડાલમાં જેટલું સોનું લગાવ્યું છે તેની કિંમત 20 કરોડ રૂપિયા જેટલી છે. સમિતિએ દાવો કર્યો છે કે આ વર્ષે નવરાત્રિમાં આ દેશની સૌથી મોંઘી મૂર્તિ હશે. 

WB: Durga idol at the pandal of a puja committee in Kolkata, has been made of 50 kg gold. Sajal Ghosh, committee's General Secy says "It took 3 months for 250 workers to install it. Pandal's interior made in the replica of Sheesh Mahal,exterior in Mayapur ISKCON temple's replica" pic.twitter.com/Pi4ZDDWOcG

— ANI (@ANI) October 2, 2019

આ રીતે કરાય છે મૂર્તિની સુરક્ષા

સંતોષ મિત્ર સ્ક્વાયરમાં બનેલા પંડાલમાં રાખવામાં આવેલી મૂર્તિ 13 ફીટ ઊંચી છે. તેની સુરક્ષામાં મોટી સંખ્યામાં પોલીસ રાખવામાં આવી છે. સોનાથી જડેલી દુર્ગા માતાની આ મૂર્તિ પર અનેક પ્રકારે નજર રાખવામાં આવી છે. 

માથાથી લઈને પગ સુધી સોનાથી મઢેલી છે મૂર્તિ

મળતી માહિતિ અનુસાર માતાને માથાથી લઈને પગ સુધી સોનાથી મઢવામાં આવ્યા છે. તેઓએ દાવો કર્યો છે કે આ નવરાત્રિમાં આ મૂર્તિ દેશની સૌથી મોંઘી મૂર્તિ હશે. માતાની સવારી સિંહ અને મહિષાસુરને પણ સોનાથી સજાવવામાં આવ્યા છે. સોનાથી સજેલા સિંહ અલગ છાપ છોડી રહ્યા છે અને લોકોને પ્રભાવિત કરી રહ્યા છે.