ટેક્નોલોજી / મોબાઇલમાં દેખાય આ 5 ગરબડ, તો સમજી જજો કે હેક થઇ જશે

જેમ જેમ ટેકનોલોજી વધી રહી છે તેમ ફ્રોડનું પ્રમાણ વધી રહ્યું છે. જેમાં ફ્રોડ કરનારાઓએ અલગ અલગ રીતો શોઘી કાઢી છે. હેકર્સના રડાર પર તમારા સોશિયલ મીડિયા એકાઉન્ટ્સ અને બેંકિંગ એપ્લિકેશન્સ હોય છે. પરંતુ જો તમને સમયસર ખબર પડે કે તમારો ફોન હેક થયો છે કે નહીં તો તમે ગંભીર પરિણામોથી ખુદને બચાવી શકો છો. અમે તમને પાંચ રેડ ફ્લેગ વિષે જણાવીશું સૂચવે છે કે, તમારો ફોન હેક થયો હોઈ શકે છે.

• બેટરી જલ્દી ખતમ થવી
  

જો તમારા ફોનની બેટરી સામાન્ય કરતાં વધુ ઝડપથી ખતમ થઈ રહી હોય અને ફોન વધુ ગરમ થઈ રહ્યો હોય તો એવું બની શકે કે, સ્પાયવેર કે માલવેર બેકગ્રાઉન્ડમાં સતત એક્ટીવ છે. આ સ્પાયવેર સતત ડેટા મોકલે છે અને પ્રાપ્ત કરવાનું કામ કરે છે. જેના કારણે બેટરી ઝડપથી ખતમ થાય છે. કોઈ અજાણી એપ્લિકેશનો વધુ પડતો પાવર વાપરે છે કે નહીં તે જોવા માટે તમારી બેટરી સેટિંગ્સ ચેક કરો.

•   ફોન સ્લો થઇ જવો કે અચાનક રીસ્ટાર્ટ થવો
  

જો તમારો સ્માર્ટફોન ખૂબ સ્લો થઈ ગયો હોય કે વારંવાર રીસ્ટાર્ટ થતો હોય કે પછી એપ્સ અજીબ રીતે અટકી જતી હોય તો તે માલવેરનો સંકેત હોઈ શકે છે. માલવેર કે હેકર એક્ટીવીટી તમારા ફોનની મેમરી અને CPU પર દબાણ લાવી શકે છે. નવી એપ ઇન્સ્ટોલ કર્યા બાદ આવા ફેરફારો વિશે ખાસ ધ્યાન આપો.

• ડેટા યુઝ અને નેટવર્ક એક્ટીવીટી
  

હેકર્સ અમુક વાર રિમોટ એક્સેસ ટૂલ્સનો ઉપયોગ કરીને તમારા ફોનને હેક કરવાનો પ્રયાસ કરે છે. આથી તમારા સેટિંગ્સમાં ફોનના ડેટા યુઝને ચેક કરો. જો તમને કોઈ અજાણી એપ સતત એવા ડેટાનો ઉપયોગ કરતી જોવા મળે જેના વિશે તમે અજાણ હોવ તો આ હેકનો સંકેત હોઈ શકે છે.

• અજીબ પોપ-અપ્સ કે સેટિંગ્સમાં ફેરફાર
  

જો તમને તમારા બ્રાઉઝર પર અજીબ પોપ-અપ્સ દેખાય કે જો તમારા ફોનમાં તમારી જાણ વગર એડવેર કે ખતરનાક સોફ્ટવેર ઇન્સ્ટોલ હોય તો આ હેકનો સંકેત હોઈ શકે છે. આથી તમારા ફોનની પરમીશન કે સેટિંગ્સમાં ફેરફારો ચેક કરો.

વધુ વાંચો : આવાં ચાર્જરથી બચીને રહેજો! ખુદ સરકારે વૉર્નિંગ જાહેર કરી છે, તો કેવું જોઇએ?

• સંદિગ્ધ એક્ટીવીટી
  હેકર્સ તમારા ફોનનો ઉપયોગ માલવેર ફેલાવવા કે તમારા એકાઉન્ટ્સ સુધી પહોંચવા માટે કરી શકે છે. આથી ચેક કરો કે, તમારા નંબર પરથી કોઈપણ અજાણ્યા મેસેજ કે કૉલ્સ તો નથી થયો ને. કે પછી એ ચેક કરો કે, તમારા ઇમેઇલ કે સોશિયલ મીડિયા એકાઉન્ટ્સને બીજી જગ્યાએ લોગિન એક્ટીવીટી તો નથી થઇ ને.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ