ટેક / જો ફોનમાંથી ભૂલથી ફોટો ડિલીટ થઈ જાય, તો આ રીતે મિનિટોમાં જ રિકવર કરો

અત્યારના જમાનામાં લગભગ દરેક લોકો પાસે સ્માર્ટફોન હોય છે. જેમાં આપણા  મહત્વના ફોટોઝ અને વીડિયો સ્ટોર કરવામાં આવે છે. પણ અમુકવાર સ્માર્ટફોનમાંથી આકસ્મિક રીતે ફોટા ડિલીટ થઈ જાય છે, જેના કારણે તકલીફ પણ થઇ શકે છે. ડિલીટ થયેલા ફોટા રિકવર કરવા માટે વિવિધ રીતો છે.

અનેક સ્માર્ટફોન ફાઇલોને તરત પરમિનેન્ટ ડિલીટ નથી કરતા. તેઓ અમુક સમયગાળા માટે ફાઇલોને ખાસ ફોલ્ડરમાં સ્ટોર કરે છે, જેનાથી રિકવરની શક્યતા રહે છે. ફોટો ડિલીટ કર્યા બાદ તે મેમરીમાંથી તરત જ ડિલીટ કરવામાં આવતુ નથી; તેના બદલે તે અમુક સ્થાન પર સ્ટોર રહે છે. જ્યાં સુધી નવી ફાઇલ તે સ્થાનને ઓવરરાઇટ ન કરે ત્યાં સુધી તે ફાઇલ કે ફોટો રિકવર કરી શકાય છે. ચાલો તે વિષે જાણીએ.

• ટ્રેશ ફોલ્ડર
  જો તમે ફોટો ડિલીટ કરી દીધો હોય તો તેને રિકવર કરવાનો સૌથી સરળ રસ્તો એ છે કે તમારા સ્માર્ટફોનની ગેલેરી કે ફોટો એપ્લિકેશનમાં રીસેન્ટમાં ડિલીટ કે ટ્રેશ ફોલ્ડર ચેક કરો. Android સ્માર્ટફોન પર તમને આ ફોલ્ડર Google Photos અથવા Gallery એપ્લિકેશનના લાઇબ્રેરી વિભાગમાં મળશે.
  
• થર્ડ પાર્ટી રિકવરી સોફ્ટવેર
  જો તમારા સ્માર્ટફોનમાંથી કોઈ ફોટો પરમિનેન્ટ ડિલીટ થઈ ગયો હોય અને તે ટ્રેશ ફોલ્ડરમાં પણ ન હોય તો ચિંતા કરવાની કોઈ જરૂર નથી. એના માટે ડિલીટ કરેલા ફોટાને રિકવર કરવાની એક રીત છે. એના માટે માટે થર્ડ-પાર્ટી રિકવરી સોફ્ટવેરની મદદની જરૂર પડશે. તમે ગૂગલ પ્લે સ્ટોર પરથી કોઈ એક થર્ડ-પાર્ટી રિકવરી સોફ્ટવેર ડાઉનલોડ કરી શકો છો.
  

વધુ વાંચો : મૌજે મૌજ! ChatGPTમાં આવ્યું WhatsApp જેવું ફિચર, કરી શકશો આ મોટું કામ, યૂઝર્સને રાહત

ડાઉનલોડ કર્યા બાદ તમારા સ્માર્ટફોન પર સોફ્ટવેર રન કરો. ત્યાર બાદ સ્ક્રીન પર તે તમામ ફોટો દેખાશે જેને તમે ડિલીટ કર્યા હશે. જે ફોટાને રીકવર કરવા હોય તેને સિલેક્ટ કરો અને ફોનમાં રિકવર કરવાનો ઓપ્શન ચોઈસ કરો. આ રીતે તમે ડિલીટ થયેલો ફોટો રિકવર કરી શકો છો. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ