ટેક્નોલોજી / મૌજે મૌજ! ChatGPTમાં આવ્યું WhatsApp જેવું ફિચર, કરી શકશો આ મોટું કામ, યૂઝર્સને રાહત

ચેટજીપીટી મેકર OpenAIએ ગ્રુપચેટ ફીચર લોન્ચ કર્યું છે. આ ફીચર ચેટજીપીટીમાં જ મળશે. જેમાં દોસ્તો, ફેમિલી સાથે ચેટિંગ કરી શકાશે. મેસેજિંગ ગ્રુપનું ચેટ ફીચર વોટ્સએપ જેવું જ છે. ગ્રુપ ચેટને એક્ટિવેટ કરવા માટે યુઝર્સને ટોપ રાઈટ સાઈડ પર માણસો જેવું આઈકન મળશે. આ આઈકનની મદદથી તમે ચેટ કરી શકશો અને બીજા યુઝર્સને પણ ઈન્વાઈટ કરી શકશો. કંપનીએ ગ્રુપ ચેટને મોટી સ્ટ્રેટજી સાથે તૈયાર કર્યું છે, જેનાથી તેને આશા છે કે હવે યુઝર્સમાં વધારો થશે.

20 લોકોને ઈન્વિટેશન મોકલી શકાશે

ચેટજીપીટી પર ઈન્વિટેશન શેર કરીને ઓછામાં ઓછા 20 લોકોને મોકલી શકાશે. ગ્રુપ બનાવવા કે ગ્રુપમાં જોઈન થતા પહેલા મેમ્બરે પ્રોમ્પ્ટ આપીને પ્રોફાઈલ સેટઅપ અને નામ આપવાનું રહેશે જેમાં ફોટાનો પણ યુઝ કરી શકાશે.

સાઈડબારમાં પણ ચેટનો ઓપ્શન દેખાશ

સાઈડબારમાં પણ તમામ મેમ્બર્સને જોઈ શકાશે. અહીંયા યુઝર્સ જ્યારે ઈચ્છે ત્યારે એક્ઝિટ કરી શકે છે. સાથે જ મેમ્બર્સ ઈચ્છે તો ગ્રુપમાંથી કોઈને રિમુવ પણ કરી શકે છે. જો કે ક્રિએટર્સ(એટલે કે જેને બનાવ્યું હોય ) રિમુવ નહીં કરી શકાય.

આ પણ વાંચોઃ 150 રૂપિયા તમને બનાવશે કરોડપતિ! કેવી રીતે? ફક્ત આ સમજણ કેળવી લો

ઓટો-રિપ્લાય ફીચર

ચેટજીપીટી 5.1 માં ગ્રુપ ચેટ્સનો આપમેળે જવાબ આપવાનો પાવર છે. ઓટો-રિપ્લાય્સને કાઉન્ટ લિમીટમાં ગણવામાં આવશે એટલે કે જે યુઝર્સે વધારે પ્રોમપ્ટ માટે પેમેન્ટ કર્યું છે તેમને પણ નુકસાન થશે.

એપ અને વેબ બંનેને સપોર્ટ મળશે

ગ્રુપ ચેટ સુવિધા ChatGPT માં શરૂ કરવામાં આવી છે. તે વેબ અને એપ વર્ઝન માટે રિલીઝ કરવામાં આવી છે. તે ફ્રી, ગો, પ્લસ અને પ્રો વર્ઝન માટે ઉપલબ્ધ છે. હાલમાં તે જાપાન, તાઇવાન, ન્યુઝીલેન્ડ અને દક્ષિણ કોરિયામાં ઉપલબ્ધ છે.

ChatGPT શું છે?

ChatGPT એ મૂળભૂત રીતે એક AI ચેટબોટ છે. તેનો ઉપયોગ પ્રશ્નો અને અન્ય વિગતો તપાસવા માટે થઈ શકે છે. તેનો ઉપયોગ પત્રો લખવાથી લઈને અનુવાદ સુધીની દરેક વસ્તુ માટે થઈ શકે છે. જો જરૂરી હોય તો તેનો ઉપયોગ PPT બનાવવા માટે પણ થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ