પાલતૂ જીવના સ્ટોરમાં કોરોના પોઝિટીવ દર્દી કામ કરતો હતો
તમામ ઉંદરોને મારી નાખવાનો આદેશ
મોટી સંખ્યામાં પાલતુ જીવોના કોરોના સંક્રમણની વિશ્વની પહેલી ઘટના
નાના જીવજંતુમાં મોટાપાયે કોરોના ફેલાયો હોવાની વર્લ્ડની પહેલી ઘટના હોંગકોંગમાં બની છે. મંગળવારે હોંગકોંગ સરકારે એવું જણાવ્યું કે દેશમા લગભગ 2000 ઉંદર સંક્રમિત થતા ચિંતા વધી છે. કોરોના ઉંદરમાંથી માનવમાં પણ ફેલાઈ શકે છે માટે વેળાસરના પગલાં ભરાઈ રહ્યાં છે.
પાલતૂ જીવના સ્ટોરમાં ઉંદરો કોરોના પોઝિટીવ નીકળ્યાં
સરકારે જણાવ્યું કે પાલતૂ જીવના એક સ્ટોરમાં ઘણા ઉંદરો કોરોના પોઝિટીવ નીકળ્યાં હતા કારણ કે ત્યાં કોરોનાનો એક દર્દી કામ કરી રહ્યો હતો તેથી કોરોનાના દર્દીએ ઉંદરોને ચેપ લગાડ્યો હોવાની શક્યતા છે. અધિકારીઓએ જણાવ્યું કે દાંતથી કરડી નાખાર નાના જીવની આયાત અને નિકાસ પર પ્રતિબંધ મૂકી દીધો છે. ઉંદરોના સ્ટોરમાં કામ કરતો એક કર્મચારી કોરોના પોઝિટીવ થયો હતો જે પછી તમામ જીવોને તપાસ કરવામાં આવી હતી જેમાં આ ઘટના સામે આવતા અધિકારીઓએ ફફડી ઉઠ્યાં હતા.
તમામ ઉંદરોને મારી નાખવાનો આદેશ
એકીસાથે 2000 ઉંદર કોરોના પોઝિટીવ નીકળતા અધિકારીઓ અને સરકાર ફફડી ઉઠી છે. તકેદારીના પગલારુપે અધિકારીઓેએ પાલતૂ જીવના સ્ટોર માલિકને તમામ ઉંદરોને મારી નાખવાનો આદેશ આપ્યો છે જેથી કરીને કોરોના મનુષ્યોમા ન ફેલાય. તે ઉપરાંત પાલતુ જીવોની ખરીદી અને વેચાણ બંધ કરવાનો પણ આદેશ અપાયો છે. આ સ્ટોરમાંથી પાલતુ જીવો ખરીદનાર લોકોને કોરોના ટેસ્ટિંગ કરવાનો ઓર્ડર કરાયો છે તથા જ્યાં સુધી આ લોકોનો રિપોર્ટ ન આવે ત્યાં સુધી લોકોને વચ્ચે ન આવવાની અપીલ કરાઈ છે.
પાલતૂ જીવોમાંથી મનુષ્યોમાં કોરોના ફેલાવવાની કેટલી શક્યતા
પાલતૂ જીવોમાંથી મનુષ્યોમાં કોરોના ફેલાવવાની કેટલી શક્યતા છે જોકે અધિકારીઓએ આ વાત માનવાનો ઈન્કાર કર્યો છે. તેમ છતાં પણ તકેદારીના પગલાં રુપે તમામ ઉંદરોની કતલના આદેશ અપાયા છે.