ન્યૂઝ અપડેટ્સ
VTV / સ્પોર્ટસ / Cricket / હર્ષલ પટેલ ગુજરાત ટાઇટન્સમાં સામેલ, સનરાઇઝર્સ હૈદરાબાદ સાથે કેટલા કરોડમાં થયો ટ્રેડ?
Last Updated: 04:42 PM, 17 November 2026
ADVERTISEMENT
IPLમાં બે વખત 'પર્પલ કેપ' જીતનાર ભારતીય ઝડપી બોલર હર્ષલ પટેલ હવે ગુજરાત ટાઇટન્સની જર્સીમાં જોવા મળશે. ગુજરાત ટાઇટન્સે સનરાઇઝર્સ હૈદરાબાદ (SRH) સાથેના ટ્રેડ દ્વારા હર્ષલ પટેલને પોતાની ટીમમાં સામેલ કર્યો છે. આ ટ્રેડના ભાગરૂપે, હર્ષલ પટેલ ચાર કરોડ રૂપિયાની રકમમાં ગુજરાતની ટીમ સાથે જોડાશે.
ADVERTISEMENT
આ ટ્રેડની પુષ્ટિ કરતા, IPLએ જણાવ્યું કે હર્ષલ પટેલને IPL 2025ની હરાજીમાં સનરાઈઝર્સ હૈદરાબાદે 8 કરોડ રુપિયામાં ખરીદ્યો હતો. જોકે, હવે આ ફ્રેન્ચાઈઝીએ તેને 4 કરોડ રુપિયામાં ગુજરાત ટાઈટન્સને સોંપી દીધો છે. ગુજરાતની ટીમમાં તેના જોડાવાથી ટીમની પેસ-બોલિંગ આક્રમકતામાં અનુભવ અને મજબૂતી બંનેનો ઉમેરો થશે.
કેવો રહ્યો આઇપીએલ કરિયર
ADVERTISEMENT
હર્ષલ પટેલને IPLના અનુભવી બોલરોમાંના એક ગણવામાં આવે છે. તેમણે 2012માં IPLમાં પદાર્પણ કર્યું હતું. અત્યાર સુધીમાં તેમણે ચાર અલગ-અલગ ફ્રેન્ચાઇઝી માટે 124 મેચ રમી છે અને 151 વિકેટ ઝડપી છે. આ સમગ્ર સમયગાળા દરમિયાન, તેમણે પોતાની બોલિંગથી સતત પ્રભાવિત કર્યા છે અને ઘણી વખત પોતાની ટીમને મુશ્કેલ પરિસ્થિતિઓમાંથી બહાર કાઢવામાં મહત્વની ભૂમિકા ભજવી છે.
🚨 𝗔𝗻𝗻𝗼𝘂𝗻𝗰𝗲𝗺𝗲𝗻𝘁 🚨 Harshal Patel traded to @gujarat_titans from @SunRisers at a revised fee of INR 4 Crore. More Details 🔽 | #TATAIPL https://t.co/9nfw0qESbL
— IndianPremierLeague (@IPL) November 17, 2026
ADVERTISEMENT
પોતાના સ્લોઅર બોલ, કટર્સ અને ઉત્તમ વિવિધતાઓ માટે જાણીતા હર્ષલ પાસે 'ડેથ ઓવર્સ' દરમિયાન અસરકારક બોલિંગ કરવાની ક્ષમતા છે. T20 ક્રિકેટમાં, છેલ્લી ઓવરોમાં રન રોકવા અને વિકેટો લેવી એ કોઈપણ ટીમ માટે મોટો પડકાર હોય છે. આ બાબતમાં, હર્ષલનો અનુભવ ગુજરાત ટાઇટન્સ માટે ફાયદાકારક સાબિત થઈ શકે છે.
બે વખત પર્પલ કેપ પોતાનુ નામ કરી ચુક્યો છે હર્ષલ
ADVERTISEMENT
હર્ષલ પટેલે તેની IPL કારકિર્દીમાં બે વાર પર્પલ કેપ જીતી છે. 2021માં, રોયલ ચેલેન્જર્સ બેંગલુરુ (RCB) માટે રમતી વખતે તેણે સૌથી વધુ વિકેટો લીધી હતી. ત્યારબાદ, 2024માં તે ફરી એકવાર ટુર્નામેન્ટનો સૌથી સફળ બોલર રહ્યો આ વખતે પંજાબ કિંગ્સ માટે રમતી વખતે અને તેણે પર્પલ કેપ મેળવી.
આ પણ વાંચોઃ ના હોય, આ દિવસે ધોની લેશે સંન્યાસ? રિટેન્શન પહેલા જ ફેન્સના ધબકારા વધી ગયા
ADVERTISEMENT
હવે ગુજરાત ટાઇટન્સ માટે રમી રહેલા હર્ષલનો પ્રયાસ ફરી એકવાર પોતાના પ્રદર્શન દ્વારા ટીમની જીતમાં મહત્વની ભૂમિકા ભજવવાનો અને ટીમને ચેમ્પિયન બનાવવામાં મદદ કરવાનો રહેશે. ગુજરાત ટાઇટન્સની જર્સીમાં હર્ષલ પટેલ કેવું પ્રદર્શન કરે છે તે જોવું રસપ્રદ રહેશે. બે વખત 'પર્પલ કેપ' જીતી ચૂકેલા આ બોલર મેદાનમાં ઉતરશે ત્યારે તેમનો ઈરાદો ફરી એકવાર પોતાની બોલિંગની ક્ષમતા દર્શાવવાનો અને IPL ટાઇટલની રેસમાં ગુજરાત ટાઇટન્સની સ્થિતિને વધુ મજબૂત બનાવવાનો હશે.
ADVERTISEMENT
સંકળાયેલા મુદ્દાઓ