બ્યૂટી / આ 6 ચીજો વધારશે તમારી સુંદરતા, નહીં કરવો પડે એકપણ રૂપિયાનો એકસ્ટ્રા ખર્ચ!

• સુંદરતા વધારવા માટે કામની છે ટિપ્સ
• ઘરેલૂ નુસખાથી જાળવો સુંદરતા
• ઘરના કામની સાથે કરી શકશો ઉપયોગ
• જાણો રસોઈની ચીજોથી કઈ રીતે વધશે સુંદરતા

સ્કીન
ચહેરાનો રંગ નિખારવા માટે તમે તેની પર બટાકાનો રસ લગાવો. હવે તેને સૂકાઈ જવા દો. સૂકાયા બાદ ધોઈ લો. આ ઉપાય તમારા રંગને નિખારે છે અને સાથે તમારા ડાર્ક સર્કલ્સની સમસ્યાને પણ દૂર કરવામાં મદદ કરે છે. તેનાથી આંખોને ઠંડક મળે છે. નિયમિત રીતે તેનો ઉપયોગ કરવાથી લાભ થાય છે. 

હાથ -પગ
હાથ પગની દેખરેખ પણ જરૂરી છે. અઠવાડિયામાં 1-2 વાર તેને સ્ક્રબ કરો. તેની સ્કીન મુલાયમ રહે તે માટે તેની પર કાચું દૂધ લગાવીને રહેવા દો. થોડી વાર પછી તે સૂકાઈ જાય ત્યારે ઠંડા પાણીથી ધોઈ લો. સ્કીનમાં ચમક જોવા મળશે.

વાળ
વાળને લાંબા અને ભરાવદાર બનાવવા માટે ડુંગળીનો રસ લગાવો. થોડી વાર રહેવા દો અને પછી શેમ્પૂથી તમારા વાળ ધોઈ લો. ડુંગળીનો રસ અઠવાડિયે એકથી બે વાર લગાવવાથી વાળની ચમક પણ જળવાઈ રહે છે. 

બોડી મસાજ
નિયમિત રીતે આખા શરીરે સરસિયાના તેલનું મસાજ કરો. તે શરીરની શુષ્કતા દૂર કરશે અને સ્કીન પણ સારી રહેશે.

નખ
હાથ અને પગની સાથે નખની સુંદરતા પણ જરૂરી છે. તેની પર લીંબુ લગાવતા રહો. તેનાથી નખ મજબૂત બને છે અને ચમક પણ વધે છે. 

ગરદન
ચહેરાની સફાઈ તો થઈ જાય છે પણ ગળા અને ડોકની સફાઈ માટે ખાંડનો ઉપયોગ કરી શકાય છે. ગળા કે ડોકને ભીનું કરી લો અને ખાંડને હાથમાં લઈને તેની પર સ્ક્રબ કરો. આમ કરવાથી ગળું કે ડોક ક્લીન થઈ જશે.

તો હવે તહેવારમાં વગર ખર્ચે તૈયાર થઈ જાઓ અને પાડી દો તમારો વટ.