Vadodara News / વડોદરામાં વેપારી પર ફાયરિંગના 4 દિવસ બાદ પણ નથી પકડાયા શૂટર, 30 CCTVમાં કેદ થયા

વડોદરામાં વાઘોડિયા ચોકડી નજીક ગત 26 જૂને મોડી રાત્રે ગારમેન્ટના વેપારી પર અજાણ્યા બાઈક સવાર શખસોએ ફાયરિંગ કરતા શહેરમાં ચકચાર મચી હતી. ગોળી વાગતા ઈજાગ્રસ્ત વેપારી યુવકને ખાનગી હોસ્પિટલમાં ખસેડાયો હતો. ઘટનાના પાંચ દિવસ પછી પણ આરોપીઓને પોલીસ પકડી શકી નથી.

વાઘોડિયા રોડ પર પ્રાઈમસિટી સોસાયટીમાં રહેતા અને કપડાનો વેપાર કરતા આશિષકુમાર એમ બાકોલીયા (ઉ.વ.37) 26 જૂનની રાત્રે સવા દસ વાગ્યાના સુમારે દુકાન વધાવીને કાર લઈને ઘરે પરત ફરી રહ્યા હતા. આ દરમિયાાન બાઇક પર પીછો કરીને આવી રહેલા બે શૂટર પણ કાર પાછળ ઉભા રહે છે.

શૂટરોએ ઘટનાને અંજામ આપ્યાના પહેલા બે દિવસ સુધી વેપારીની રેકી કરી હતી. વડોદરા શહેરના 30 જેટલા સ્થળોના CCTV કેમેરામાં શૂટરો કેદ થયાં છે. વાઘોડિયા રોડ, પ્રતાપનગર અને રેલવે સ્ટેશન વિસ્તારમાં હિલચાલ જોવા મળી છે. પરિવાર ચાર રસ્તા સહિત 50થી વધુ હોટેલોમાં પોલીસે તપાસ હાથ ધરી. પોલીસે 200થી વધુ સીસીટીવી ફૂટેજ અને અનેક મોબાઇલ નંબરની તપાસ શરૂ કરી છે.

આ પણ વાંચોઃ વડોદરા / ભારતની સંરક્ષણ આત્મનિર્ભરતાની ચાવી બની શકે છે ગુજરાત, VGRCમાં બોલ્યા રાજનાથ સિંહ

વાઘોડિયા ચોકડી પાસે ગ્રીન સિગ્નલ ચાલુ હોવાથી ટ્રાફિકને કારણે વેપારી પોતાની કાર ધીમી પાડે છે. આ તકનો લાભ ઉઠાવી બે શૂટર પૈકી પાછળ બેઠેલા શૂટરે અચાનક કારની બાજુમાં આવીને આશિષકુમાર પર ફાયરિંગ કર્યું હતું. પહેલેથી બાઇક પર પીછો કરીને આવી રહેલા બે શૂટર પણ કાર પાછળ ઉભા રહે છે. બાઇક ચાલક શૂટરે કાળું હેલ્મેટ પહેર્યું છે અને ગમછો નાખેલો છે. મોટરસાયકલ ચલાવનારે કાળા કલરનું હેલ્મેટ અને પાછળ બેસનારે મોઢા પર માસ્ક પહેરેલું હતું. બંને હુમલાખોરો ઘટનાને અંજામ આપીને ફરાર થઈ ગયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ