દુર્ઘટના / ગોઝારો અકસ્માત 7ના જીવ ભરખી ગયો, ટ્રેલર સાથે બસ અથડાતા લાગી આગ, અનેક ઘાયલ

Rajasthan Bus Accident : રાજસ્થાનના દૌસા જિલ્લામાં દિલ્હી–મુંબઈ એક્સપ્રેસવે પર મોડી રાત્રે સર્જાયેલા ગંભીર માર્ગ અકસ્માતે સમગ્ર વિસ્તારમાં ચકચાર મચી ગઈ છે. વાસ્તવમાં ઋષિકેશથી ઇન્દોર જતી એક સ્લીપર બસ આગળ જઈ રહેલા ટ્રક સાથે અથડાતા બંને વાહનોમાં આગ ફાટી નીકળી હતી. આ દુર્ઘટનામાં અત્યાર સુધીમાં 8 લોકોનાં મોત થયાના અહેવાલ સામે આવ્યા છે, જ્યારે અનેક મુસાફરો ઘાયલ થયા છે.

શું છે સમગ્ર મામલો ?

પ્રાથમિક માહિતી મુજબ અકસ્માત મોડી રાત્રે લગભગ અઢી વાગ્યાની આસપાસ થયો હતો. અથડામણ એટલી જોરદાર હતી કે અકસ્માત બાદ થોડી જ મિનિટોમાં બસ આગની લપેટમાં આવી ગઈ. આગ ઝડપથી ફેલાતા કેટલાક મુસાફરો બહાર નીકળવામાં સફળ રહ્યા, જ્યારે કેટલાક મુસાફરો અંદર જ ફસાઈ ગયા હતા. અહેવાલો અનુસાર આગ અને ગંભીર ઇજાઓના કારણે મુસાફરોના મોત થયા છે. ઘાયલ લોકોને તાત્કાલિક સારવાર માટે જિલ્લા હોસ્પિટલમાં ખસેડવામાં આવ્યા છે. હાલ હોસ્પિટલમાં સારવાર હેઠળ રહેલા લોકોને તબીબી દેખરેખ આપવામાં આવી રહી છે.

અકસ્માત પાછળનું કારણ જાણવા માટે તપાસ શરૂ કરવામાં આવી છે. પ્રાથમિક આશંકા મુજબ બસની ગતિ વધુ હોવા ઉપરાંત ડ્રાઈવરને ઊંઘ અથવા ઝપકી આવી હોવાની શક્યતા પણ તપાસ હેઠળ છે. ઘટનાસ્થળ નજીકના સીસીટીવી અને એક્સપ્રેસવે કેમેરાના ફૂટેજ પણ ચકાસવામાં આવી રહ્યા છે. પ્રવાસીઓના જણાવ્યા પ્રમાણે અકસ્માત બાદ તરત જ મદદ ન મળતા બચાવ કામગીરીમાં મુશ્કેલી ઉભી થઈ હતી.

આ પણ વાંચો : PM મોદીની તમામ વિભાગોના સચિવો સાથે મહા બેઠક, આ બે મુખ્ય મુદ્દાઓ પર આશરે 4 કલાક ચાલી ચર્ચા

સ્થાનિક લોકો અને આસપાસના રહેવાસીઓએ ઘાયલોને બહાર કાઢવામાં મદદ કરવાનો પ્રયાસ કર્યો હતો. કેટલાક લોકોએ બચાવ કામગીરીમાં વિલંબ અંગે પ્રશ્નો પણ ઉઠાવ્યા છે. સ્થાનિક સ્તરે એવી પણ ચર્ચા સામે આવી છે કે બસના સ્ટોરેજ વિભાગમાં જ્વલનશીલ સામગ્રી અથવા સિગારેટના બોક્સ હોવાને કારણે આગ વધુ ઝડપથી ફેલાઈ હોઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ