અરેરાટી / ડેમમાં ન્હાવું યુવકોને ભારે પડ્યું, એકને બચાવવા જતાં ત્રણ ડૂબ્યા, 4નાં મોત

Surat Kakrapar Dam : સુરતથી એક દુ:ખદ સમાચાર સામે આવ્યા છે. વાસ્તવમાં સુરત જિલ્લાના માંડવી તાલુકામાં આવેલ કાકરાપાર ડેમમાં નાહવા ગયેલા ચાર યુવકો પાણીમાં ડૂબી જતા તેમના મોત નિપજ્યા હોવાનું સામે આવ્યું છે. ઘટનાને લઈને પરિવારોમાં ભારે આક્રંદનો માહોલ સર્જાયો છે.

શું છે સમગ્ર મામલો ?

વિગતો મુજબ ચારેય યુવકો મિત્રો સાથે કાકરાપાર ડેમ ખાતે નાહવા માટે ગયા હતા. દરમિયાન એક યુવક અચાનક ઊંડા પાણીમાં ફસાઈ જતા ડૂબવા લાગ્યો હતો. તેને બચાવવા માટે અન્ય ત્રણ મિત્રો પાણીમાં ઉતર્યા, પરંતુ પરિસ્થિતિ એટલી ગંભીર બની ગઈ કે ચારેય યુવકો પાણીના પ્રવાહમાં તણાઇ ગયા અને ડૂબી ગયા.

આ પણ વાંચો : યુરિયાની કાળા બજારી મામલે સરકારનો મોટો નિર્ણય, જાણો શું

આ તરફ ઘટનાની જાણ થતાં જ માંડવી પોલીસ અને ફાયર વિભાગની ટીમ તાત્કાલિક સ્થળ પર પહોંચી હતી. બચાવ કામગીરી હાથ ધરી યુવકોની શોધખોળ શરૂ કરવામાં આવી હતી. લાંબી શોધખોળ બાદ ચારેય યુવકોના મૃતદેહોને બહાર કાઢવામાં આવ્યા હતા. ઘટનાને લઈને સમગ્ર વિસ્તારમાં દુઃખ અને શોકની લાગણી વ્યાપી ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ