ગાંધીનગર / યુરિયાની કાળા બજારી મામલે સરકારનો મોટો નિર્ણય, જાણો શું

Urea Black Marketing : યુરિયાની કાળા બજારીને લઈ સૌથી મોટા સમાચાર સામે આવ્યા છે. વાસ્તવમાં રાજ્ય સરકારે યુરિયાની કાળાબજારી અને ખેતીલાયક યુરિયાના ગેરવપરાશને અટકાવવા માટે મહત્વપૂર્ણ અને કડક નિર્ણય લીધો છે. કૃષિ વિભાગ દ્વારા રાજ્ય તથા જિલ્લાકક્ષાએ વિશેષ કમિટીઓની રચના કરવામાં આવી છે, જેથી યુરિયાના ગેરકાયદેસર ડાયવર્ઝન અને ઉદ્યોગોમાં થતો અનધિકૃત ઉપયોગ અટકાવી શકાય.

સરકાર દ્વારા લેવાયેલા આ નિર્ણય મુજબ દરેક જિલ્લામાં કલેક્ટરની અધ્યક્ષતામાં એક વિશેષ કમિટી બનાવવામાં આવશે. આ કમિટીમાં કૃષિ વિભાગના અધિકારીઓ ઉપરાંત GST વિભાગ અને ઉદ્યોગ વિભાગના અધિકારીઓનો પણ સમાવેશ કરવામાં આવશે. કમિટીની મુખ્ય જવાબદારી ખેતી માટે ફાળવવામાં આવતું યુરિયા અન્ય ઉદ્યોગોમાં વપરાઈ રહ્યું છે કે નહીં તેની દેખરેખ રાખવાની રહેશે.

આ પણ વાંચો : 2ના મોત, 10થી વધુ ઘાયલ, બસ ડીવાઇડર કૂદી ટ્રક સાથે અથડાતા ભયંકર અકસ્માત

નોંધનિય છે કે, છેલ્લા કેટલાક સમયથી ડિઝલ એક્ઝોસ્ટ ફ્લુઈડ અને પ્લાયવુડ જેવી વિવિધ ઈન્ડસ્ટ્રીઝમાં ખેતીલાયક યુરિયાનો મોટા પ્રમાણમાં ઉપયોગ થતો હોવાના અહેવાલો સામે આવ્યા હતા. જેના કારણે ખેડૂતોને યોગ્ય સમયે પૂરતું યુરિયા મળવામાં મુશ્કેલીઓ ઉભી થતી હતી. આ સ્થિતિને ગંભીરતાથી લઈને સરકારે હવે સખત કાર્યવાહી કરવાનો નિર્ણય કર્યો છે. રાજ્ય સરકારનો હેતુ ખેડૂતોને યોગ્ય પ્રમાણમાં અને યોગ્ય સમયમાં ખાતર ઉપલબ્ધ કરાવવાનો છે. સાથે જ યુરિયાની કૃત્રિમ અછત ઉભી કરીને કાળાબજારી કરનાર તત્વો સામે કડક પગલાં ભરવા માટે મોનીટરીંગ વ્યવસ્થા વધુ મજબૂત બનાવવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ