રાજકોટ / VIDEO: પાલતુ શ્વાનનો આતંક યથાવત, હવે મહિલા પર કર્યો હુમલો, બાદમાં ઘટ્યું આશ્ચર્યજનક

Rajkot Pet Dog : રાજકોટના કોઠારીયા વિસ્તારમાં આવેલા સુરભી ફ્લેટમાં પાલતું શ્વાન અને તેના માલિકની દાદાગીરીનો ગંભીર મામલો પ્રકાશમાં આવ્યો છે. રોલેક્સ રોડ પર આવેલી આ સોસાયટીમાં બનનાર આ બનાવને કારણે રહીશો વચ્ચે ચિંતા અને રોષ જોવા મળી રહ્યો છે.

મહિલા પર પાલતુ શ્વાનનો હુમલો

મળતી માહિતી મુજબ, સોસાયટીમાં રહેતી કિરણ વાઘેલા નામની મહિલાપર પાલતું શ્વાન હિંસક રીતે ઝંપલાવી પડ્યું હતું. શ્વાનની આ આક્રમક હરકતથી મહિલા ડરી ગઈ હતી અને તેણે શ્વાનના માલિકને પાલતુ પર નિયંત્રણ રાખવા અંગે સમજાવ્યું હતું.

શ્વાન માલિક દ્વારા મહિલા પર લાફાનો હુમલો

જોકે સમજાવવાના બદલે શ્વાન માલિક પારૂલ ગોસ્વામીએ મહિલા સાથે ઉલટું અણઘડ વર્તન કર્યું હોવાનો આક્ષેપ છે. માહિતી પ્રમાણે પારૂલ ગોસ્વામીએ કિરણ વાઘેલાને લાફો માર્યો હતો. આ સમગ્ર ઘટનાCCTV કેમેરામાં કેદ થઈ હોવાનું પણ સામે આવ્યું છે.

અગાઉ પણ પોલીસમાં થઈ ચૂકી છે ફરિયાદ

સોસાયટીના રહીશોનો દાવો છે કે આ પહેલીવાર નહીં પરંતુ અગાઉ પણ પારૂલ ગોસ્વામી વિરુદ્ધ રહેવાસીઓએ પોલીસને ફરિયાદ કરી હતી. મૌખિક રજૂઆત દરમિયાન પારૂલે શ્વાનને કાબૂમાં રાખવાની ખાતરી આપી હોવા છતાં ફરી આવી ઘટના સર્જાઈ હોવાનો રહેવાસીઓનો આક્ષેપ છે.

આ પણ વાંચો : અમદાવાદમાં વાયરલે માઝા મુકી, હોસ્પિટલોમાં બાટલા અને ઘેર ઘેર દર્દીઓનાં ખાટલા

રહેશીઓ પર ધમકીઓનાં પણ આક્ષેપ

સોસાયટીના કેટલાક સભ્યોના જણાવ્યા મુજબ, અગાઉની ફરિયાદ બાદ પારૂલ ગોસ્વામીએ કેટલાક 'માથાભારે તત્વોને' બોલાવી સોસાયટીના સભ્યોને ધમકાવ્યા હતા. આ કારણે રહીશો મહિલાના વર્તનથી સતત ત્રસ્ત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ