અકસ્માત / વડોદરામાં સ્પીડનો કહેર! ચાલકે કારના બોનેટ પર લઈ વ્યક્તિને ઉછાળ્યો, કંપારી છૂટાવતો VIDEO

રાજ્યમાં અકસ્માતની ઘટનાઓમાં દિવસે ને દિવસે વધારો થઈ રહ્યો છે. બેફામ ડ્રાઈવિંગના કારણે અનેક નિર્દોષ લોકોના જીવ જાય છે. ત્યારે ફરી એકવાર વડોદરામાં અકસ્માતની ઘટના બની છે. વડોદરામાં ફૂલ સ્પીડમાં જતી કારે એક વ્યક્તિને અડફેટે લીધો હતો.

ફૂલ સ્પીડમાં જતી કારે એક વ્યક્તિને અડફેટે લીધો

વડોદરાના પાણીગેટ વિસ્તારમાં અકસ્માતના સર્જાયો હતો. જ્યાં ફૂલ સ્પીડમાં જતી કારે એક વ્યક્તિને અડફેટે લીધો હતો. કારના બોનેટ સાથે વ્યક્તિ અથડાઈને નીચે પટકાયો હતો, જે સમગ્ર ઘટનાના CCTV સામે આવ્યા છે. જેના પગલે ઈજાગ્રસ્ત વ્યક્તિએ કારચાલકને બ્લેકમેલ કરતો હોવાની પોલીસમાં અરજી કરાઈ છે. કારચાલકે પાણીગેટ પોલીસ સ્ટેશનમાં અરજી આપી છે.

આ પણ વાંચો: 25,00,00,000 લોકો જોડાયા, અનેક ગિનિસ વર્લ્ડ રેકોર્ડ, કેવી રીતે ભવ્ય બન્યો આંતરરાષ્ટ્રીય યોગ દિવસ?

નબીરાઓ બેફામ..!

ચાર પૈડાની ગાડીનું સ્ટીયરિંગ હાથમાં આવી જતા કેટલાક નબીરાઓ બેફામ બની જાય છે. અને પૂરપાટ ઝડપે ડ્રાવિંગ કરવા લાગે છે. ક્ષણવારનો વિચાર પણ નથી કરતા કે અમારી મજા, કોઈ અન્ય માટે સજા ન બની જાય. અમદાવાદ સહિત રાજ્યભરમાં બેફામ ડ્રાવિંગ કરનારા વાહન ચાલકોની કમી નથી. તેવામાં એક્સીલેટર દબાવીને શખ્સો ગાડીની સ્પીડ તો વધારી દે છે. પણ બાદમાં કાર બેકાબૂ થઈ જાય છે અને અકસ્માત જેવી દુર્ઘટના ઘટે છે. જેમાં અનેક નિર્દોષ લોકો ભોગ બને છે. વડોદરામાં ફરી એકવાર આવી જ ઘટના બની છે

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ