અમરેલી / VIDEO: ધારીના હુડલી ગામ નજીક સાત સિંહોએ પાણીના અવેડા પર તરસ છીપાવી, 'સિંહોના ટોળા ન હોય' કહેવત ખોટી

ધારી ગીર પંથકના ગામડાઓમાં સિંહોનું સામ્રાજ્ય જોવા મળી રહ્યું છે. ધારીના હુડલી ગામ નજીક 7 સિંહોનું ટોળું જોવા મળ્યો. સાત સાત સિંહોએ વાડીના પાણીના અવેડા પર પહોંચી તરસ છીપાવી. આ દુર્લભ દ્રશ્યનો વીડિયો મોબાઈલ કેમેરામાં કેદ થઈ ગયો. હવે આ વીડિયો સોશિયલ મીડિયા પર વાયરલ થઈ ગયો છે. આ દ્રશ્યે "સિંહોના ટોળા ન હોય" તેવી કહેવત ફરી ખોટી પુરવાર ઠરી છે. સિંહો સામાન્ય રીતે એકલા કે નાના જૂથમાં જોવા મળે છે, પરંતુ સાત સિંહો એક સાથે હોવાનું દુર્લભ દ્રશ્ય છે.

પાણીના અવેડા પર પહોંચ્યા સિંહ

હુડલી ગામ નજીકના વિસ્તારમાં એક વાડીમાં પાણીના અવેડો પર સાત સિંહોનું ટોળું પાણી પીવા માટે પહોંચ્યો. સિંહોએ શાંતિથી પાણી પીધું અને પછી ત્યાંથી નીકળી ગયા હતા. આ સમગ્ર દ્રશ્ય નજીકમાં રહેતા સ્થાનિક લોકોએ પોતાના મોબાઈલમાં કેદ કર્યું હતું.

આ પણ વાંચો: પહેલાં વિદ્યાર્થીનું નામ, વચ્ચે પિતાનું નામ અને અંતમાં અટક, બોર્ડ પરીક્ષામાં વિદ્યાર્થીના નામ એક જ ફોર્મેટમાં રહેશે

ગીર અને તેની આસપાસના ગામડાઓમાં સિંહો વારંવાર જોવા મળે છે. સ્થાનિક લોકો સિંહો સાથે સહઅસ્તિત્વ જાળવી રહ્યા છે. વન વિભાગ સતત સિંહોની હિલચાલ પર નજર રાખે છે અને જરૂર પડે ત્યારે સ્થાનિક લોકોને માર્ગદર્શન આપે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ