કાર્યવાહી / ગુજરાતભરમાં બુલડોઝર એક્શન, ગેરકાયદે દબાણોનો સફાયો, અસામાજિક તત્વોમાં ફફડાટ

રાજ્યભરમાં અસામાજિક તત્વોએ કરેલા ગેરકાયદે દબાણો પર બુલડોઝર ફરી રહ્યા છે. આરોપીઓ સામેની બુલડોઝર કાર્યવાહી યથાવત છે, ત્યારે અમદાવાદ સહિતના રાજ્યના શહેરોમાં આરોપીઓએ કરેલા ગેરકાયદે બાંધકામ તોડી દેવામાં આવ્યા છે.

નઝીર વોરાનુ ઝુબેદા હાઉસ તોડી પડાયું

અમદાવાદમાં કુખ્યાત આરોપી નઝીર વોરાએ જુહાપુરામાં દબાણ કરેલા 3,292 ચોરસ મીટરના પ્લોટમાં ડિમોલિશન કરાયું અને નઝીર વોરાનુ ઝુબેદા હાઉસ તોડી પડાયું છે. 12 વર્ષથી નઝીર વોરાએ આ પ્લોટ પર કબજો કર્યો હતો, જેને ખાલી કરાવાયો છે. આણંદમાં પણ પોલીસે દબાણકારો પાસેથી 600 ગુંઠા જમીન મુક્ત કરાવી, અહીં 250થી વધુ કાચા અને પાકા દબાણો હટાવવામાં આવ્યા છે.

આ પણ વાંચો: કમોસમી વરસાદનો દોર પુરો થતા ગુજરાતમાં ફરી કાળઝાળ ગરમી , જાણો ચોમાસાને લઇને હવામાન વિભાગે શું આપી અપડેટ

મેગા ડિમોલિશન કામગીરી

ભાવનગરમાં પણ ગેરકાયદે દબાણો દૂર કરવા મેગા ડિમોલિશન કામગીરી કરી, જ્યાં ધોબી સોસાયટીથી બોરતળાવ સુધીના દબાણો હટાવવામાં આવ્યા છે. આ ઉપરાંત કચ્છના અંજારમાં પણ ગેરકાયદે દબાણો દૂર કરવામાં આવ્ચા છે. કચ્છમાં આરોપી મુસ્તાકે સરકારી જમીન પર બનાવેલું મકાન જમીનદોસ્ત કરવામાં આવ્યું છે તેમજ જૂનાગઢના સુખનાથ ચોકમાં ગેરકાયદે બાંધકામ કરીને બનાવાયેલી પાનની દુકાનને તોડી પાડવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ