ગુજરાત બજેટ 2026 / બસમાં ફ્રી પાસ અને મફત પુસ્તકો, ગુજરાતના બજેટમાં શિક્ષણ ક્ષેત્રે 13 મોટી જાહેરાતો કરાઈ, વિદ્યાર્થીઓ ખુશખુશાલ

Gujarat Budget 2026: કનુ દેસાઈ દ્વારા આજે વિધાનસભામાં 4,08,053 લાખ કરોડનું વિશાળ બજેટ રજૂ કરવામાં આવ્યું. જેમાં ગત વર્ષની સરખામણીએ 10%નો નોંધપાત્ર વધારો કરવામાં આવ્યો છે. વિકાસને વેગ આપવા અને રાજ્યની આર્થિક મજબૂતી માટે આ બજેટમાં અનેક મહત્વપૂર્ણ જોગવાઈઓ કરવામાં આવી હોવાનું તેમણે ગૃહને જણાવ્યું.

શિક્ષણ વિભાગ માટે 13 મોટી જાહેરાતો

1. મિશન સ્કૂલ્સ ઓફ એક્સલન્સ અંતર્ગત પ્રાથમિક અને માધ્યમિક શાળાઓના માળખાગત સુધારણા માટે 3055 કરોડની જોગવાઇ
2. નમો લક્ષ્મી યોજના માટે 1250 કરોડની જોગવાઈ
3. RTEના વિદ્યાર્થીઓ માટે 827 કરોડની જોગવાઈ
4. પૌષ્ટિક અલ્પાહાર યોજના માટે 598 કરોડની જોગવાઇ
5. નમો સરસ્વતી વિજ્ઞાન સાધના યોજના અંતર્ગત અંદાજે 2 લાખ 50 હજાર વિદ્યાર્થીઓને સહાય 250 કરોડ રૂપિયાની જોગવાઈ
6. જ્ઞાનશક્તિ રેસિડેન્‍શીયલ સ્કૂલ્સ ઓફ એકસલન્સ માટે 223 કરોડની જોગવાઈ
7. એસ.ટી. નિગમની બસોમાં મુસાફરી કરતા આશરે 13 લાખ વિદ્યાર્થીઓને બસ પાસ ફી કન્સેશન યોજના માટે 223 કરોડની જોગવાઈ
8. 31 હજાર 790 શાળાઓને સ્વચ્છતા સહાયમાં બમણો વધારો 135 કરોડની જોગવાઈ
9. ઉચ્ચતર પ્રાથમિક શાળાઓમાં એક જ કેમ્પસમાં બાલવાટિકાથી ધોરણ 10 સુધીનું શિક્ષણ પૂરું પાડવા સંકલિત શાળાઓના નવા બાંધકામ માટે 120 કરોડની જોગવાઈ
10. પ્રાથમિક શાળાના અંદાજે 52 લાખથી વધુ વિદ્યાર્થીઓને વિનામૂલ્યે પાઠ્યપુસ્તક આપવા માટે 119 કરોડની જોગવાઈ
11. મુખ્યમંત્રી યુવા સ્વાવલંબન યોજના અંતર્ગત 18 લાખ વિદ્યાર્થીઓને વિનામૂલ્યે પાઠ્યપુસ્તક આપવા માટે 112 કરોડની જોગવાઈ
12. મુખ્યમંત્રી જ્ઞાન સાધના મેરિટ સ્કોલરશિપ યોજના હેઠળ અંદાજે 1 લાખ વિદ્યાર્થીઓને સહાય આપવા 100 કરોડની જોગવાઈ
13. ધોરણ-6થી12 માં અભ્યાસ કરતી 9.72 લાખ વિદ્યાર્થિનીઓને સેનેટરી નેપકિન માટે 47 કરોડની જોગવાઈ

ગુજરાત બજેટ 2026 ની સંપૂર્ણ માહિતી માટે નીચે આપેલી લિન્ક પર ક્લિક કરો:

પોસ્ટ-મેટ્રિક શિષ્યવૃત્તિમાં મોટી રાહત

બજેટની સૌથી મહત્વપૂર્ણ જાહેરાતોમાંથી એક પોસ્ટ-મેટ્રિક શિષ્યવૃત્તિ યોજનાને લગતી છે. આદિજાતિ અને અનુસૂચિત જાતિના વિદ્યાર્થીઓને ઉચ્ચ શિક્ષણ માટે સહાય મળે તે હેતુથી આવક મર્યાદામાં વધારો કરવામાં આવ્યો છે. અગાઉ પુરૂષ વિદ્યાર્થીઓ માટે વાર્ષિક આવક મર્યાદા ₹2.5 લાખ હતી, જેને હવે વધારીને ₹6 લાખ કરવામાં આવી છે. કન્યાઓને તો આવક મર્યાદા વગર જ આ લાભ મળતો રહેશે. આ નિર્ણયથી હજારો વિદ્યાર્થીઓને આગળ ભણવાની નવી તક મળશે. રાજ્યમાં અંદાજે 97 લાખ વિદ્યાર્થીઓને વિવિધ શિષ્યવૃત્તિ યોજનાઓ હેઠળ લાભ આપવા માટે ₹5967 કરોડની ફાળવણી કરવામાં આવી છે.

આ પણ વાંચો: ગુજરાત બજેટ : એક જ ક્લિકમાં વાંચી લો ગુજરાતનું આખું બજેટ, જાણો મહત્વની જાહેરાતો

નમો સેન્ટ્રલ લાયબ્રેપી આધુનિક સુવિધાઓથી સજ્જ હશે. તેમાં ડિજિટલ રીડિંગ ઝોન, ઈ-લાઇબ્રેરી, સંશોધન કેન્દ્ર, સ્પર્ધાત્મક પરીક્ષાની તૈયારી માટે ખાસ વિભાગ અને બાળકો માટે વિશેષ વાંચન વિસ્તાર જેવી સુવિધાઓ ઉપલબ્ધ રહેશે. રાજ્ય સરકારનો હેતુ યુવાનોમાં વાંચનની ટેવ વિકસાવવાનો અને સંશોધન માટે ઉત્તમ માહોલ પૂરું પાડવાનો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ