5 ફોટો ગેલેરી

હવામાન એલર્ટ / ચક્રવાત 'મુરાસુ' આંધ્રપ્રદેશના દરિયાકાંઠે ટકરાયું, 18 ફ્લાઇટ રદ અને અનેક વૃક્ષો ધરાશાયી, 12 કલાક ભારે વરસાદનું એલર્ટ!

Last Updated: 10:12 AM, 3 November 2026

FOLLOW ON

શેર કરો

ચક્રવાત 'મુરાસુ' આંધ્રપ્રદેશના કિનારે ત્રાટક્યું છે, જેના કારણે ભારે વરસાદ અને તેજ પવન ફૂંકાઈ રહ્યા છે. આને લીધે અનેક વૃક્ષો ધરાશાયી થયા છે અને જનજીવન ખોરવાઈ ગયું છે. હવામાન વિભાગે આગામી 12 કલાક દરમિયાન સતત ભારે વરસાદ અને સમુદ્રમાં ઊંચા મોજાં ઉછળવાની ચેતવણી જારી કરી છે.

1/5

1. 'મુરાસુ' નામનું બીજું એક ચક્રવાત

આંધ્રપ્રદેશ અને ઓડિશામાં ચક્રવાત 'અર્નાબ'ને કારણે વ્યાપક નુકસાન થયાના થોડા જ દિવસોમાં, 'મુરાસુ' નામનું બીજું એક ચક્રવાત આંધ્રપ્રદેશના કિનારા તરફ આગળ વધી રહ્યું છે. હવામાન વિભાગના જણાવ્યા અનુસાર, મંગળવારે વહેલી સવારે આશરે 1 વાગ્યાની આસપાસ ચક્રવાત 'મુરાસુ'ની લેન્ડફોલ પ્રક્રિયા શરૂ થઈ ગઈ હતી. દરમિયાન, સમગ્ર આંધ્રપ્રદેશમાં ભારે વરસાદ ચાલુ છે.

આ તસવીર શેર કરો

2/5

2. દક્ષિણ આંધ્રપ્રદેશના કિનારા નજીક કેન્દ્રિત

આંધ્રપ્રદેશમાં 110 કિલોમીટર પ્રતિ કલાકની ઝડપે પવનો ફૂંકાઈ રહ્યા છે. એવી શક્યતા છે કે પવનની ગતિ વધીને 120 કિલોમીટર પ્રતિ કલાક સુધી પહોંચી શકે છે. રાત્રે 1:30 વાગ્યાની સ્થિતિએ, આ ચક્રવાત બંગાળની ખાડીના પશ્ચિમ-મધ્ય ભાગમાં, દક્ષિણ આંધ્રપ્રદેશના કિનારા નજીક કેન્દ્રિત હતું. તે ઓંગોલથી અંદાજે 40 કિલોમીટર દક્ષિણ-પૂર્વમાં, કાવલીથી 60 કિલોમીટર ઉત્તર-પૂર્વમાં અને બાપટલાથી 70 કિલોમીટર દક્ષિણમાં સ્થિત હતું.

આ તસવીર શેર કરો

3/5

3. અગામી 12 કલાક ભારે વરસાદનું એલર્ટ

IMDએ આગામી 12 કલાક દરમિયાન આંધ્રપ્રદેશના દક્ષિણ દરિયાકાંઠાના વિસ્તારોમાં ભારે વરસાદની આગાહી કરી છે. આ ઉપરાંત, મંગળવાર સવાર સુધી સમુદ્રમાં ઊંચા મોજાં ઉછળવાની શક્યતા છે; આ મોજાં સામાન્ય કરતાં 1 થી 1.5 મીટર વધુ ઊંચા હોઈ શકે છે, જેના કારણે દરિયાકાંઠાના વિસ્તારોમાં પાણી ભરાઈ શકે છે. હવામાન વિભાગના જણાવ્યા અનુસાર, બાપાટલા, કૃષ્ણા અને પ્રકાશમ જિલ્લાઓ સૌથી વધુ પ્રભાવિત થવાની સંભાવના છે.

આ તસવીર શેર કરો

4/5

4. પોંડીચેરી- તમિલનાડુમાં ભારે વરસાદ

પુડુચેરીમાં 'મુરાસુ' ચક્રવાતની અસર વર્તાવા લાગી છે, જ્યાં મધ્યરાત્રિથી સતત વરસાદ પડી રહ્યો છે. તમિલનાડુમાં પણ વરસાદ ચાલુ છે. દરમિયાન, 'મુરાસુ' ચક્રવાતની અસર હેઠળ આંધ્રપ્રદેશના ચિરાલા વિસ્તારમાં ભારે વરસાદ સાથે તેજ પવન ફૂંકાયો હતો, જેના કારણે અનેક વૃક્ષો ધરાશાયી થઈ ગયા હતા.

આ તસવીર શેર કરો

5/5

5. 18 ફ્લાઇટ રદ

'મુરાસુ' ચક્રવાતને કારણે, 3 નવેમ્બર, 2026ના રોજ વિજયવાડા (VGA) સાથે સંકળાયેલી ઈન્ડિગોની 8 ફ્લાઈટ સેવાઓ રદ કરવામાં આવી છે. આ પહેલાં 10 ફ્લાઈટ્સ પહેલેથી જ રદ કરવામાં આવી ચૂકી હતી, જેનાથી રદ થયેલી ફ્લાઈટ્સની કુલ સંખ્યા 18 થઈ ગઈ છે. જોકે આ ચક્રવાત ગયા અઠવાડિયે આવેલા 'અર્નાબ' ચક્રવાતની સરખામણીમાં નબળું છે, તેમ છતાં તેની અસર આંધ્રપ્રદેશ, તેલંગાણા, તમિલનાડુ અને ઓડિશા પર થવાની શક્યતા છે.

આ તસવીર શેર કરો

સંકળાયેલા મુદ્દાઓ

cyclone murasu landfall andhra pradesh trees uprooted flights cancelled