ગાંધીનગર / ગુજરાત પર દેવાનો ડુંગર, પાણીથી લઈ સિંહના મોત સુધી CAGએ ખોલી પોલ

ગુજરાત વિધાનસભાનું ત્રણ દિવસીય ચોમાસુ સત્ર 9 સપ્ટેમ્બર 2026થી પ્રારંભ થઈ 11 સપ્ટેમ્બર એમ ત્રણ દિવસ ચાલ્યુ છે. વિધાનસભામાં રજૂ થયેલી સત્તાવાર માહિતી અનુસાર ગુજરાત સરકારનું જાહેર દેવું વર્ષ 2024-25માં ₹3,74,845 કરોડ જેટલું હતું, જે 2025-26ના સુધારેલા અંદાજ મુજબ વધીને ₹4,30,320 કરોડ થઇ ગયું છે. સત્રમાં વિવિધ સરકારી વિભાગોને લગતા પ્રશ્નોત્તરી કાળમાં અનેક ચોંકાવનારા આંકડાઓ સામે આવ્યા છે.

કમ્પ્ટ્રોલર એન્ડ ઓડિટર જનરલના ઓડિટ રિપોર્ટમાં જળ મિશનમાં ગેરરીતિઓ, ખામીઓ, રાજ્યનું દેવું, ગીરના સિંહોના મોત, શિક્ષણ સહાય યોજનાઓ, બંધ પડેલી સહકારી મંડળીઓ સંબંધિત વિગતો ગૃહમાં રજૂ કરવામાં આવી હતી.

ગુજરાતમાં ચોમાસા પૂર્વે લેવાયેલા 26 ટકા અને ચોમાસા બાદના 24 ટકા પાણીના નમૂના પરીક્ષણમાં અયોગ્ય સાબિત થયા હતા. કેમ રીપોર્ટમાં વધુમાં સામે આવ્યુ કે, 249 તાલુકાઓ સામે માત્ર 46 તાલુકાઓમાં જ વોટર ટેસ્ટિંગ લેબોરેટરી ઉપલબ્ધ છે.

રાજ્યમાં જળ જીવન મિશનની કામગીરીમાં CAG એ ગંભીર નાણાકીય અનિયમિતતાઓ પકડી છે. આ ઉપરાંત 11 મુખ્ય જૂથ પાઇપલાઇન યોજનાઓમાંથી 5 મહત્વની યોજનાઓ પૂર્ણ કરવામાં 8 થી 25 મહિના જેટલો અક્ષમ્ય વિલંબ નોંધાયો હતો.

આ પણ વાંચોઃ અમદાવાદ / 'બે મહિનાનો પગાર આપી જાઓ અને નોકરી લઈ જાઓ', અમદાવાદમાં નોકરી વાંચ્છુકોને લૂંટવાનો ધંધો ચાલતો, ACBએ રંગેહાથે પકડ્યા

એક જ વર્ષમાં 62 સિંહોના મોત

વિધાનસભામાં વન વિભાગ દ્વારા અપાયેલી માહિતી મુજબ છેલ્લા એક વર્ષમાં વિવિધ ગંભીર બીમારીઓના કારણે 17 નર, 17 માદા અને 28 સિંહબાળ મળી કુલ 62 સિંહોના મોત થયા છે.

નમો લક્ષ્મી હેઠળ ચૂકવાયા

સરકારે શિક્ષણ ક્ષેત્રના આંકડા રજૂ કરતાં જણાવ્યું કે નમો લક્ષ્મી યોજના હેઠળ 10.49 લાખથી વધુ વિદ્યાર્થિનીઓને ₹572.93 કરોડની આર્થિક સહાય પૂરી પાડવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ