આસ્થા / અનંત અંબાણીની પદયાત્રામાં ઉઘાડા પગે સહભાગી થયા પંડિત ધીરેન્દ્ર શાસ્ત્રી, જુઓ Video

Anant Ambani Padyatra : રિલાયન્સ ગ્રુપના અનંત અંબાણી દ્વારકા પદયાત્રાને લઈ મોટી અપડેટ સામે આવી છે. વાસ્તવમાં ભગવાન શ્રી દ્વારકાધીશના દર્શન માટે પદયાત્રા કરતાં અનંત અંબાણીની સાથે સ્વયંભૂ લોકો જોડાઈ રહ્યા છે. આ તરફ અનંત અંબાણીની પદયાત્રામાં ધીરેન્દ્ર શાસ્ત્રી જોડાયા છે. વિગતો મુજબ બાગેશ્વર ધામના ધીરેન્દ્ર શાસ્ત્રી 10 કિલોમીટર પદયાત્રામાં જોડાયા હતા. નોંધનિય છે કે, અનંત અંબાણી દરરોજ રાત્રે 10/12 કિમીની પદયાત્રા કરે છે. આ તરફ 8 એપ્રિલે દ્વારકામાં ભગવાના દ્વારકાધિશના દર્શન કરશે.

રિલાયન્સ ઈન્ડસ્ટ્રીઝના ચેરમેન મુકેશ અંબાણીના પુત્ર અનંત અંબાણી હાલમાં જામનગરથી દ્વારકાધીશ મંદિર સુધી 130 કિલોમીટરની પદયાત્રા પર છે. અનંત અંબાણી દરરોજ 6 થી 7 કલાક પગપાળા મુસાફરી કરે છે અને દરરોજ લગભગ 20 કિમીનું અંતર કાપે છે. અનંત અંબાણીનો જન્મદિવસ 10 એપ્રિલે છે. એવી અપેક્ષા છે કે, તે 8 એપ્રિલ પહેલા દ્વારકા મંદિર પહોંચી જશે. ભગવાનની શોધ તરીકે શરૂ થયેલી આ યાત્રા હવે એક મોટા સમૂહમાં ફેરવાઈ ગઈ છે. હવે અનંતના મિત્રો, સાથીઓ, પંડિતો અને સામાન્ય લોકો પણ આ યાત્રામાં તેની સાથે જોડાઈ રહ્યા છે. અનંત અંબાણીએ કહ્યું, આભાર માનવા માટે હું પીડા સહન કરીશ. મારી શ્રદ્ધા દર્શાવવા માટે હું અગવડતા સહન કરીશ.

અનંત અંબાણીની યાત્રા મૌન, એકાંત અને ભગવાનની શોધ

અનંત અંબાણીનું દરેક પગલું દ્વારકાધીશની કૃપા અને સનાતન ધર્મના આદર્શોને સમર્પિત છે. તેમનો પ્રવાસ મૌન, એકાંત અને ભગવાનની શોધ વિશે છે. આ સફરને વધુ અસાધારણ બનાવે છે તે એ છે કે, અનંત કુશિંગ સિન્ડ્રોમ (એક દુર્લભ હોર્મોનલ ડિસઓર્ડર) અને તેનાથી થતા સ્થૂળતા સામે લડતી વખતે આ સફર કરી રહ્યા છે. આ સાથે તે અસ્થમા અને ફાઇબ્રોસિસ જેવા ક્રોનિક રોગો સામે પણ લડી રહ્યા છે જે તેમની માટે બાળપણથી જ પડકારજનક રહ્યા છે. આ ટ્રેકના પડકારો સામાન્ય સ્વાસ્થ્ય ધરાવતી વ્યક્તિને પણ ડરાવી શકે છે. છતાં અનંત માટે આ યાત્રા શક્તિ સાબિત કરવા વિશે નથી. તે ભય પર શ્રદ્ધા, અગવડતા પર ભક્તિ અને સરળતા પર શિસ્તને સ્થાન આપવા વિશે છે.

વધુ વાંચો : અમિત શાહ ફરી ગુજરાત આવશે, જાણો કયા કાર્યક્રમમાં આપશે હાજરી

બાગેશ્વર ધામના ધીરેન્દ્ર શાસ્ત્રીએ પણ પહોંચ્યા પદયાત્રામાં

મુકેશ અંબાણીના સૌથી નાના પુત્ર અને રિલાયન્સ ઇન્ડસ્ટ્રીઝ લિમિટેડના ડિરેક્ટર અનંત રિલાયન્સના ઉત્પાદન વિભાગના વડા છે, જેમાં રિફાઇનરીઓ અને નવા ઉર્જા વ્યવસાયોનો સમાવેશ થાય છે. બાગેશ્વર ધામના પંડિત ધીરેન્દ્ર કૃષ્ણ શાસ્ત્રી પણ તેમની પદયાત્રામાં જોડાયા હતા. તેમની ભક્તિ અને સમર્પણથી પ્રભાવિત થઈને પંડિત ધીરેન્દ્ર શાસ્ત્રીએ કહ્યું કે, અનંત તેમના ટ્રેક દરમિયાન ફક્ત નારિયેળ પાણી પર જ નિર્ભર રહે છે. અનંત અંબાણીને પ્રેરણાસ્ત્રોત ગણાવતા તેમણે આજના યુવાનોને સનાતન ધર્મમાં પોતાને સમર્પિત કરવાની સલાહ આપી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ