Ahmedabad News / અમદાવાદમાં ફૂટપાથ પર ઊંઘી રહેલા 3 લોકોને ફોર્ચ્યુનરની ટક્કર, મહિલાનું મો*ત અને બે ઘાયલ, કારમાંથી બિયરનું ટીન મળ્યું

Ahmedabad News: અમદાવાદના નિકોલ વિસ્તારમાં ફૂટપાથ પર ઊંઘી રહેલા ત્રણ લોકો પર કાર ફરી વળી છે જેમાં એકનું મોત નીપજ્યુ છે જ્યારે બે જણા ઘાયલ છે. જેમને સારવાર માટે ખસેડવામાં આવ્યા છે. અકસ્માત કરનાર ફોર્ચુનર કારમાંથી બિયરનું ટીન મળી આવ્યુ હોવાનું જાણવા મળ્યુ છે જ્યારે કાર ચાલક અકસ્માત કરી નાસી છુટ્યો છે.

અમદાવાદના નિકોલ વિસ્તારમાંથી બેફામ કારચાલકે અકસ્માત સર્જ્યો છે. નિકોલ વિસ્તારમાં દેવસ્ય સ્કૂલ પાસે અકસ્માતની ઘટના બની છે. ફોર્ચ્યુનર કારના ચાલકે ફૂટપાથ પર સુઇ રહેલા ત્રણ લોકોને ટક્કર મારી છે આ અકસ્માતમાં એકનું મોત થયુ છે તેમજ 2 ઘાયલ લોકોને સારવાર માટે ખસેડાયા છે.

આ પણ વાંચોઃ દુર્ઘટના / અમદાવાદના થલતેજમાં મેગ્નેટ પાર્કમાં ભીષણ આગ, કર્મચારીઓ ઓફિસમાં ફસાયા, લોકો જીવ બચાવવા નીચે કૂદી પડ્યાં

ફોર્ચ્યુનરનો ચાલક ઘટનાસ્થળે કાર મૂકી નાસી છુટ્યો છે. પોલીસે તપાસ કરતા કારમાંથી બિયરનું ટીન મળી આવ્યું હોવાનું જાણવા મળ્યુ છે. કાર માણસાના વિરલ સવજીભાઈ ચૌધરીના નામે નોંધાયેલી હોવાનું કહેવાય છે. પોલીસ દ્વારા ચાલકની શોધખોળ શરૂ કરવામાં આવી છે.

વધુ વિગતો અપડેટ થઇ રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ