જાણવા જેવું / કરોડો PF ખાતા ધારકોને દિવાળીની ભેટ! હવે મળશે ડબલ પેન્શન!

હાલમાં, EPFO સભ્યોને દર મહિને ₹1,000નું લઘુત્તમ પેન્શન મળે છે. પરંતુ, ટ્રેડ યુનિયનો લાંબા સમયથી આ રકમને વધારીને ₹1,500 થી ₹2,500 કરવાની માંગ કરી રહ્યા છે. સેન્ટ્રલ બોર્ડ ઓફ ટ્રસ્ટીઝની આગામી બેઠકમાં આ મુદ્દા પર ચર્ચા થઈ શકે છે.

PF માંથી આંશિક ઉપાડની સુવિધા

નવા પ્રસ્તાવ મુજબ, EPFO સભ્યોને તેમના PF ખાતામાંથી અમુક રકમ આંશિક રીતે ઉપાડવાની મંજૂરી મળી શકે છે. આ રકમનો ઉપાડ ATM અને UPI દ્વારા પણ થઈ શકે છે. જોકે, ટ્રેડ યુનિયનો આ પ્રસ્તાવનો વિરોધ કરી શકે છે. તેમનું માનવું છે કે PFની રકમ નિવૃત્તિ માટેનું ભંડોળ છે અને તે ફક્ત કટોકટીમાં જ ઉપાડવી જોઈએ.

EPFO 3.0 પહેલ

EPFO સભ્યો માટે સુવિધાઓ સરળ બનાવવા માટે, EPFO 3.0 નામની નવી પહેલ પર પણ વિચાર કરવામાં આવી રહ્યો છે. આ પહેલથી સભ્યોને વધુ સરળતાથી અને ઝડપથી સેવાઓ મળી શકશે.

કોણ લેશે આ નિર્ણય

EPFOના સેન્ટ્રલ બોર્ડ ઓફ ટ્રસ્ટીઝની આગામી બેઠક 10-11 ઓક્ટોબરના રોજ યોજાશે. આ બેઠકનું અધ્યક્ષપદ શ્રમ અને રોજગાર મંત્રી મનસુખ માંડવિયા કરશે. સેન્ટ્રલ બોર્ડ ઓફ ટ્રસ્ટીઝ EPFOમાં સૌથી મોટી નિર્ણય લેતી સંસ્થા છે, જેમાં નોકરીદાતાઓ, કર્મચારીઓ, રાજ્ય અને કેન્દ્ર સરકારના પ્રતિનિધિઓ સામેલ હોય છે. આ બેઠકમાં જ ઉપર જણાવેલા મહત્વના મુદ્દાઓ પર નિર્ણય લેવામાં આવશે.

આ પણ વાંચો : ફિઝિયોથેરાપિસ્ટ પોતાના નામની આગળ હવે 'ડોક્ટર' નહીં લખી શકે, જાણો કારણ

EPF ફાળો: એક ટૂંકી સમજ

કોઈપણ ખાનગી ક્ષેત્રના કર્મચારીના મૂળ પગારમાંથી 12% રકમ EPF ખાતા માટે કાપવામાં આવે છે. આ સાથે, કંપની પણ કર્મચારીના PF ખાતામાં એટલી જ રકમ જમા કરે છે. કંપની દ્વારા જમા કરવામાં આવેલી રકમમાંથી 8.33% પેન્શન ફંડમાં જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ