દિવાળી 2019 / પરંપરાગત રવાના ઘૂઘરાને આપો નવો Twist, બનાવી લો ખજૂરના Tasty ઘૂઘરા

• દિવાળીએ બનાવો ખજૂરના ઘૂઘરા
• પરંપરાગત ઘૂઘરાને આપો ટ્વિસ્ટ
• મહેમાનો થશે ખુશ, હેલ્થ રહેશે સારી

ખજૂરના ઘૂઘરા

સામગ્રી

- 1 કિલો ખજૂર
- 1 કિલો મેંદો
- 200 ગ્રામ માવો 
- 200 ગ્રામ બુરુ ખાંડ
- 1 વાટકી કોપરાનું છીણ 
- ઘી પ્રમાણસર

રીત

સૌપ્રથમ ખજૂર લૂછી ઠળિયાં કાઢી સાફ કરી તેને મિકસરમાં ક્રશ કરવી. મેંદામાં ઘીનું મોણ નાખી કણક બાંધી ભીના કપડામાં ઢાંકી દો. બીજી બાજુ માવો અને કોપરાનું છીણ ઘીમાં સાંતળીને ખજૂરમાં નાખવો. તેમાં દળેલી ખાંડ ભેળવી પૂરણ તૈયાર કરવું. ત્યારબાદ કણક મસળીને પૂરી વણવી. તેમાં પૂરણનું મૂઠિયું વાળીને મૂકવું. પૂરી બેવડી વાળી, ધાર દબાવીને કાંગરી પાડી ઘૂઘરા બનાવવા. આ ઘૂઘરાને ઘીમાં તળો. તૈયાર છે સ્વાદિષ્ટ અને પૌષ્ટિક ઘૂઘરા.