11 ફોટો ગેલેરી

ધર્મ / ગણેશ ચતુર્થીએ આજે માત્ર અઢી કલાક રહેશે ગણપતિ સ્થાપનાનો શુભ સમય, જાણો રાહુકાળ, પૂજા મુહૂર્ત અને વિસર્જનની તારીખ!

Last Updated: 09:09 AM, 14 September 2026

FOLLOW ON

શેર કરો

આજે 14 સપ્ટેમ્બર, સોમવારે દેશભરમાં ગણેશ ચતુર્થીની ઉજવણી કરવામાં આવી રહી છે. આજથી 10 દિવસના ગણેશોત્સવની શરૂઆત થશે અને ઘરો તથા ગણેશ પંડાલોમાં ગણપતિ બાપ્પાની સ્થાપના કરવામાં આવશે.

1/11

1. આજે માત્ર અઢી કલાક ગણપતિ સ્થાપનાનું શુભ મુહૂર્ત!

પંચાંગ અનુસાર આજે ગણપતિ સ્થાપના માટે બપોરનો સમય શુભ માનવામાં આવે છે. ગણપતિ સ્થાપના અને મુખ્ય પૂજા માટે સવારે 11:02થી બપોરે 1:31 વાગ્યા સુધી એટલે કે લગભગ અઢી કલાકનો શુભ સમય રહેશે. આ ઉપરાંત રાહુકાળ, અભિજીત મુહૂર્ત અને ચંદ્રદર્શનને લઈને પણ ખાસ નિયમો છે.

આ તસવીર શેર કરો

2/11

2. ગણેશ ચતુર્થીની તિથિ ક્યારે શરૂ થશે?

હિંદુ પંચાંગ પ્રમાણે ભાદરવા સુદ ચોથની શરૂઆત આજે 14 સપ્ટેમ્બરની સવારે 7:06 વાગ્યે થશે અને 15 સપ્ટેમ્બરની સવારે 7:44 વાગ્યે સમાપ્ત થશે. ઉદયા તિથિ પ્રમાણે ગણેશ ચતુર્થીનો તહેવાર 14 સપ્ટેમ્બરે જ ઉજવવામાં આવશે. આ દિવસે ગણપતિ બાપ્પાની સ્થાપના કરીને વિધિપૂર્વક પૂજા કરવામાં આવે છે.

આ તસવીર શેર કરો

3/11

3. ગણપતિ સ્થાપનાનું શુભ મુહૂર્ત

ગણેશ ચતુર્થીના દિવસે ગણપતિ સ્થાપના માટે મધ્યાહ્નનો સમય સૌથી શુભ માનવામાં આવે છે. આજે સવારે 11:02 વાગ્યાથી બપોરે 1:31 વાગ્યા સુધી ગણપતિ સ્થાપના અને મુખ્ય પૂજા માટે શુભ સમય રહેશે. એટલે ભક્તોને ગણપતિ બાપ્પાની સ્થાપના માટે લગભગ અઢી કલાકનો સમય મળશે. આ સમય દરમિયાન વિધિપૂર્વક ગણપતિની સ્થાપના અને પૂજા કરી શકાય છે.

આ તસવીર શેર કરો

4/11

4. અભિજીત મુહૂર્ત અને રાહુકાળ

આજે અભિજીત મુહૂર્ત સવારે 11:52 વાગ્યાથી બપોરે 12:41 વાગ્યા સુધી રહેશે. આ સમય દરમિયાન શુભ કાર્ય કરવું ધાર્મિક રીતે શુભ માનવામાં આવે છે. બીજી તરફ સવારે 7:41થી 9:13 વાગ્યા સુધી રાહુકાળ રહેશે. ધાર્મિક માન્યતા પ્રમાણે રાહુકાળ દરમિયાન શુભ કાર્ય શરૂ કરવાનું ટાળવામાં આવે છે. જોકે ગણપતિ સ્થાપનાનું મુખ્ય શુભ મુહૂર્ત રાહુકાળ બાદ જ શરૂ થાય છે.

આ તસવીર શેર કરો

5/11

5. ચંદ્રદર્શનથી કેમ બચવું?

ગણેશ ચતુર્થીના દિવસે ચંદ્રદર્શનને લઈને પણ ધાર્મિક માન્યતા છે. પંચાંગ પ્રમાણે આજે સવારે 9:06 વાગ્યાથી રાત્રે 8:04 વાગ્યા સુધી ચંદ્રદર્શન ન કરવાની સલાહ આપવામાં આવે છે. માન્યતા પ્રમાણે આ સમય દરમિયાન ચંદ્રના દર્શન કરવાથી મિથ્યા દોષ લાગી શકે છે. તેથી ભક્તોએ આ સમય દરમિયાન ચંદ્રદર્શનથી બચવાનું ધ્યાન રાખવું જોઈએ.

આ તસવીર શેર કરો

6/11

6. આ રીતે કરો ગણપતિ બાપ્પાની પૂજા

ગણપતિ સ્થાપના પહેલાં પૂજા સ્થળની સારી રીતે સફાઈ કરો અને ચોકી પર લાલ અથવા પીળું સ્વચ્છ કપડું પાથરો. ત્યારબાદ ભગવાન ગણેશની પ્રતિમા સ્થાપિત કરીને તેમનું ધ્યાન અને આહ્વાન કરો. ગણપતિને જળ અથવા પંચામૃતથી સ્નાન કરાવી રોલી, અક્ષત અને સિંદૂર અર્પણ કરો. ત્યારબાદ લાલ ફૂલ અને દુર્વા ચઢાવો. ભગવાનને ફળ, મીઠાઈ અને મોદકનો ભોગ ધરાવી ઘીનો દીવો અને ધૂપ પ્રગટાવો. અંતે ગણેશ મંત્રનો જાપ કરીને આરતી કરો અને પરિવારની સુખ-શાંતિ તથા સમૃદ્ધિ માટે પ્રાર્થના કરો.

આ તસવીર શેર કરો

7/11

7. પૂજામાં દુર્વા અને મોદકનું વિશેષ મહત્વ

ગણપતિની પૂજામાં દુર્વાનું વિશેષ મહત્વ માનવામાં આવે છે. ધાર્મિક માન્યતા પ્રમાણે દુર્વા ભગવાન ગણેશને ખૂબ પ્રિય છે. તેથી પૂજા દરમિયાન ગણપતિને દુર્વા અર્પણ કરવામાં આવે છે. સાથે જ મોદકને પણ ગણપતિનો પ્રિય ભોગ માનવામાં આવે છે. ગણેશ ચતુર્થીના દિવસે ઘરે મોદક બનાવીને ભગવાનને ભોગ ધરાવવાની પરંપરા પણ છે.

આ તસવીર શેર કરો

8/11

8. ગણેશ ચતુર્થીએ શું ન કરવું?

ગણપતિ સ્થાપનાના દિવસે પૂજા સ્થળની સ્વચ્છતાનું ખાસ ધ્યાન રાખવું જોઈએ. ધાર્મિક પરંપરા પ્રમાણે ભગવાન ગણેશની પૂજામાં તુલસી દળ અર્પણ કરવામાં આવતું નથી. તેથી ગણપતિને તુલસી ન ચઢાવવી જોઈએ. પ્રતિમા સ્થાપિત કર્યા બાદ પોતાની શ્રદ્ધા અને પરંપરા પ્રમાણે નિયમિત રીતે પૂજા અને આરતી કરવી શુભ માનવામાં આવે છે.

આ તસવીર શેર કરો

9/11

9. ગણપતિ વિસર્જન ક્યારે થશે?

10 દિવસના ગણેશોત્સવનું મુખ્ય સમાપન 25 સપ્ટેમ્બર 2026ના રોજ અનંત ચતુર્દશીના દિવસે થશે. આ દિવસે મોટી સંખ્યામાં ભક્તો ગણપતિ બાપ્પાની પ્રતિમાનું વિસર્જન કરશે. જોકે દરેક પરિવાર અને વિસ્તારની પોતાની પરંપરા હોય છે. કેટલાક લોકો દોઢ દિવસ બાદ જ્યારે કેટલાક ત્રીજા, પાંચમા, સાતમા અથવા દસમા દિવસે પણ ગણપતિ વિસર્જન કરે છે. વિસર્જન સમયે ભક્તો ભક્તિભાવ સાથે બાપ્પાને વિદાય આપી આવતા વર્ષે ફરી આવવાની પ્રાર્થના કરે છે.

આ તસવીર શેર કરો

10/11

10. આજે ધ્યાનમાં રાખવાના મુખ્ય સમય

આજે 14 સપ્ટેમ્બરે ચતુર્થી તિથિ સવારે 7:06 વાગ્યે શરૂ થશે અને 15 સપ્ટેમ્બરની સવારે 7:44 વાગ્યે પૂર્ણ થશે. ગણપતિ સ્થાપના અને મુખ્ય પૂજા માટે સવારે 11:02થી બપોરે 1:31 વાગ્યા સુધીનો શુભ સમય રહેશે. અભિજીત મુહૂર્ત સવારે 11:52થી બપોરે 12:41 વાગ્યા સુધી રહેશે. રાહુકાળ સવારે 7:41થી 9:13 વાગ્યા સુધી રહેશે અને ચંદ્રદર્શનથી સવારે 9:06થી રાત્રે 8:04 વાગ્યા સુધી બચવાનું કહેવામાં આવ્યું છે. ગણપતિ વિસર્જન માટે મુખ્ય દિવસ 25 સપ્ટેમ્બર 2026 એટલે કે અનંત ચતુર્દશી રહેશે.

આ તસવીર શેર કરો

11/11

11. DISCLAIMER

ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

આ તસવીર શેર કરો

સંકળાયેલા મુદ્દાઓ

Ganesh Chaturthi 2026 Ganesh Chaturthi Puja Vidhi Ganpati Sthapana Muhurat