ક્રાઈમ / VIDEO : ચકરી ખાઈ જવાય તેવી તસ્કરી, લેડીઝના લહંગાના બટનમાંથી નીકળી વિદેશી નોટ જ નોટ, નવાઈનો વીડિયો

• દિલ્હી એરપોર્ટ પર ઝડપાયો મુસાફર
• લેડીઝના લહંગાના બટનમાં વિદેશી કરન્સી લઈ જતો હતો દુબઈ 
• કસ્ટમ વિભાગે ઝડપીને પોલીસને હવાલે કર્યો 

તસ્કરી માટે પ્રવાસીઓ જાતજાતના હથકંડો અપનાવતા હોય છે અને અવનવી રીતે તસ્કરીના સમાચાર આવતા રહેતા હોય છે. પ્રવાસીઓ એવી એવી રીતે તસ્કરી કરતા હોય છે કે જાણીને દંગ થઈ જશે. દિલ્હી એરપોર્ટ પર સાઉદી કરન્સી રિયાલને લેડીઝના લહંગાના બટનમાં છુપાવીને લઈ જતો એક પ્રવાસી ઝડપાયો હતો. પ્રવાસીની તસ્કરીની રીત જાણીને એરપોર્ટ પરના અધિકારીઓ દંગ રહી ગયા હતા. 

Vigilant #CISF personnel apprehended a passenger carrying foreign currency (worth approx. Rs 41lakh) concealed in “Lehenga Buttons” kept inside his bag @ IGI Airport, New Delhi. The Passenger was handed over to customs.#PROTECTIONandSECURITY #Alertness@HMOIndia@MoCA_GoI pic.twitter.com/QHul4Q1IXr

— CISF (@CISFHQrs) August 30, 2022

શું છે મામલો
દિલ્હીના ઈન્દિરા ગાંધી ઈન્ટરનેશનલ એરપોર્ટ પર સવારે લગભગ 4 વાગ્યે એરપોર્ટ પરના અધિકારીઓને શંકા પડતા એક પ્રવાસીના સામાનની ઝડતી લેવામાં આવી હતી. આ પ્રવાસી દિલ્હીથી દુબઈ જઈ રહ્યો હતો અને તેને સ્પાઈસ જેટની ફ્લાઈટમાં બેસવાનું હતું. અધિકારીઓએ જણાવ્યું હતું કે એક્સ-રે સ્કેનર દરમિયાન પેસેન્જરને તેની બેગમાં ઘણાં બટન જોઇને શંકા ગઇ હતી. ત્યારબાદ સુરક્ષાકર્મીઓએ વધુ તપાસ કરવાનું નક્કી કર્યું. તપાસ બાદ તેની બેગમાંથી 1,85,500 સાઉદી રિયાલ મળી આવ્યા હતા, જેની કિંમત ભારતીય ચલણમાં આશરે 41 લાખ રૂપિયા છે. એરપોર્ટ અધિકારીઓએ પ્રવાસીની ધરપકડ કરીને કસ્ટમ વિભાગને સોંપી દીધો હતો અને વધુ તપાસ હાથ ધરી હતી. 

#WATCH | Delhi: Central Industrial Security Force (CISF) personnel recovered foreign currency (US Dollars) worth approx Rs 41 lakhs concealed in ‘Ladies Lehenga Button’ at Indira Gandhi International Airport: CISF

(Source: CISF) pic.twitter.com/bgBNk6e1Vy

— ANI (@ANI) August 30, 2022

CSIFએ વીડિયો ટ્વિટ કર્યો
એરપોર્ટની સુરક્ષા સંભાળી રહેલી CSIFના જવાનોએ આ શખ્સને ઝડપ્યો હતો. CSIFના જવાનોએ શખ્સને કસ્ટમ વિભાગને સોંપી દીધો હતો.