મુંબઈના ભિવંડીમાં એક કેમિકલ ગોડાઉનમાં ભીષણ આગ લાગી છે. આગ લાગ્યાની જાણ થતાં જ ફાયર બ્રિગેડની ટીમ ઘટનાસ્થળે પહોંચી ગઈ છે. અને આગને કાબૂમાં મેળવવાનો પ્રયાસ હાથ ધરવામાં આવ્યો છે.
ઉલ્લેખનીય છે કે, કેમીકલ ગોડાઉનમાં લાગેલી આગે આસપાસના બે ગોડાઉનને પણ ઝપેટમાં લઈ લીધા છે. તો ફાયર બ્રિગેડ પણ પાણીનો મારો ચલાવી રહ્યું છે પણ આગ કંટ્રોલમાં આવી નથી રહી. મળતી વિગતો મુજબ આગ લાગવાના કારણે લાખો રૂપિયાનું નુકસાન થયું છે.
Maharashtra: Fire broke out in a chemical godown in Bhiwandi. Fire fighting operations underway. pic.twitter.com/CM3iG9yO1x
આપને જણાવી દઇએ કે, મુંબઇના બાન્દ્રા સ્થિત મહાનગર ટેલિફોન નિગમ લિમિટેડ (MTNL) બિલ્ડિંગમાં સોમવારના રોજ આગ લાગવાની ઘટના બની હતી. આ ઘટનાને પગલે ફાયર બ્રિગેડની 4 ગાડીઓ ઘટના સ્થળએ આવી પહોંચી હતી અને આગ લાગવાના સ્થળે પાણીનો સતત મારો ચલાવ્યો હતો. આગને પગલે MTNL બિલ્ડિંગમાં કામ કરતા લોકોમાં દોડધામ મચી જવા પામી હતી.
ચર્ચિલ ચેમ્બર ઇમારતમાં પણ આગની ઘટના
અગાઉ, મુંબઇમાં જ તાજમહલ અને ડિપ્લોમૈટ હોટલની નજીક રહેલા ચર્ચિલ ચેમ્બર ઇમારતમાં આગ લાગી હતી. ફાયર બ્રિગેડના જવાનોએ હાલ 14 લોકો સલામત સ્થળે પહોંચડ્યા છે. આ અકસ્માતમાં એક વ્યક્તિનું મોત થયું હતું અને 2 લોકો ઘાયલ થયાં હતા.