નુકસાન / એપ્રિલ મહિનામાં નિકાસમાં જબરદસ્ત ઉછાળો, ત્રણ ગણું વધ્યું એક્સપોર્ટ, તો પણ ભારત ખોટમાં જાણો કેમ?

• એપ્રિલ મહિનામાં નિકાસ વધી 
• 30.21 અબજ ડોલરની ટોટલ નિકાસ થાય 
• લોકડાઉનના કારણે નિકાસમાં તીવ્ર ઘટાડો આવ્યો હતો 

મહત્વનું છે કે વાણિજ્ય મંત્રાલયે રવિવારે જાહેર કરેલા પ્રાથમિક ડેટામાં આ માહિતી આપવામાં આવી છે. એપ્રિલ મહિનામાં જીએસટી આવક પણ અત્યાર સુધીની સૌથી વધુ રહેવા પામી છે સરકારને 1.41 લાખ કરોડ રૂપિયાની આવક થઈ છે, અને સાથે જ અ આંકડા અનુસાર એક્સપોર્ટમાં પણ વધારો થયો છે.

દેશના એક્સપોર્ટમાં વધારો

એપ્રિલ મહિનામાં એક્સપોર્ટ લગભગ ત્રણ ગણું 30.21 અબજ ડોલર થઈ ગયું છે. ગયા વર્ષે, 10.17 અબજ ડોલરની નિકાસ આ જ મહિનામાં થઈ હતી. વાણિજ્ય મંત્રાલયે રવિવારે જાહેર કરેલા પ્રાથમિક ડેટામાં આ માહિતી આપવામાં આવી છે. આ સમયગાળા દરમિયાન, આયાત પણ બે ગણાથી વધીને 45.45 અબજ ડોલર થઈ છે, જે એક વર્ષ અગાઉ એપ્રિલ મહિનામાં 17.09 અબજ ડોલર હતી.

વાણિજ્ય મંત્રાલયે એક નિવેદનમાં જણાવ્યું છે કે ભારત એપ્રિલ મહિનામાં ચોખ્ખી આયાત કરનાર રહ્યું છે અને મહિના માટેની વેપાર ખાધ 15.24 અબજ ડોલર પર પહોંચી ગઈ છે. આ આંકડો એપ્રિલ 2020 ની 6.92 અબજ ડોલરની વેપાર ખાધના બમણાથી વધુ છે.

લોકડાઉનના કારણે નિકાસમાં તીવ્ર ઘટાડો આવ્યો હતો

ગયા વર્ષે, કોવિડ -19 રોગચાળાને કારણે લાગુ થયેલા લોકડાઉનને કારણે નિકાસમાં 60.28 ટકાનો તીવ્ર ઘટાડો નોંધવામાં આવ્યો હતો, જ્યારે આ વર્ષે માર્ચમાં, નિકાસ 60.29 ટકા વધી 34.45 અબજ ડોલર પર પહોંચી ગઈ છે. તેલની આયાત એપ્રિલ 2021 માં 10.8 અબજ ડોલર રહી છે, જે એક વર્ષ અગાઉના મહિનામાં અબજ ડોલરની તુલનામાં હતી. એપ્રિલમાં નિકાસમાં સકારાત્મક વલણ દર્શાવતી ચીજોમાં ઝવેરાત, જૂટ, કાર્પેટ, હસ્તકલા, ચામડા, ઇલેક્ટ્રોનિક માલ, તેલનો કાટ, કાજુ, ઇજનેરી, પેટ્રોલિયમ ઉત્પાદનો, દરિયાઈ ઉત્પાદનો અને રસાયણોનો સમાવેશ થાય છે.