ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / કેન્સર થયા પછી મીઠું ખાવાથી સ્ટેજ વધે છે? નિષ્ણાત ડૉક્ટરે સમજાવ્યું, દર્દીઓએ ડાયટમાં કઈ બાબતોનું ધ્યાન રાખવું
7 ફોટો ગેલેરી
Last Updated: 02:55 PM, 21 September 2026
FOLLOW ON
શેર કરો
1/7
છેલ્લાં કેટલાંક વર્ષોમાં સોશિયલ મીડિયા પર કેન્સરના દર્દીઓ માટે અલગ-અલગ ડાયટ અને ખાણીપીણીને લઈને અનેક દાવા કરવામાં આવે છે. કેટલાક લોકો ખાંડ અને દૂધથી દૂર રહેવાની સલાહ આપે છે. જોકે, કેન્સરના દર્દીઓ માટે દરેક પ્રકારના ખોરાક પર પ્રતિબંધ મૂકવો યોગ્ય નથી. યોગ્ય પોષણ, ઘરમાં બનાવેલો ખોરાક અને ડૉક્ટરની સલાહ મુજબની ડાયટ સારવાર દરમિયાન મહત્ત્વની ભૂમિકા ભજવે છે.
આ તસવીર શેર કરો
2/7
કેન્સરના દર્દીઓમાં ખાંડના સેવનને લઈને અનેક ગેરમાન્યતાઓ છે. નિષ્ણાતોના જણાવ્યા અનુસાર, ખાંડ ખાવાથી કેન્સરનું સ્ટેજ વધી જાય છે તેવો કોઈ વૈજ્ઞાનિક પુરાવો નથી. કેન્સરના કોષો પણ ગ્લુકોઝનો ઉપયોગ કરે છે, પરંતુ તેનો અર્થ એવો નથી કે ખાંડ ખાવાથી કેન્સર ઝડપથી વધે છે. જોકે, વધુ પડતી ખાંડ ખાવાથી વજન વધી શકે છે અને મેદસ્વિતા, ફેટી લિવર તથા મેટાબોલિક સિન્ડ્રોમ જેવી સમસ્યાઓનું જોખમ વધી શકે છે. મેદસ્વિતા અમુક પ્રકારના કેન્સર થવાનું જોખમ પણ વધારી શકે છે. તેથી ખાંડનું વધુ પડતું સેવન ટાળવું હિતાવહ છે, પરંતુ કેન્સર મટાડવા માટે ખાંડ સાવ બંધ કરી દેવી એ સાબિત થયેલી સારવાર નથી.
આ તસવીર શેર કરો
ADVERTISEMENT
3/7
કેન્સરનું નિદાન થયા પછી કેટલાક દર્દીઓ દૂધ અને દૂધની બનાવટો ખાવાનું બંધ કરી દે છે. જોકે, દૂધ પીવાથી કેન્સર વધી જાય છે એવો સીધો પુરાવો નથી. દરેક દર્દીએ પોતાની ડાયટમાંથી દૂધ દૂર કરી દેવું જરૂરી નથી. દૂધમાંથી પ્રોટીન અને કેલ્શિયમ જેવા પોષક તત્ત્વો પણ મળે છે.કેન્સરની સારવાર દરમિયાન શરીરને પૂરતું પોષણ મળવું જરૂરી છે. જો દૂધથી કોઈ તકલીફ થતી ન હોય અને ડૉક્ટરે મનાઈ ન કરી હોય તો તેને ડાયટમાં સામેલ કરી શકાય છે. જોકે, દર્દીની સ્થિતિ અને સારવાર પ્રમાણે ખોરાકની જરૂરિયાત અલગ હોઈ શકે છે.
આ તસવીર શેર કરો
4/7
કેન્સરના દર્દીઓએ પોતાના વિસ્તાર અને ઋતુ પ્રમાણે મળતાં તાજાં ફળો, શાકભાજી અને અનાજને ડાયટમાં સામેલ કરવા જોઈએ. દરેક વ્યક્તિએ વિદેશી કે મોંઘા ફૂડ પર આધાર રાખવાની જરૂર નથી. સ્થાનિક અને તાજો ખોરાક પણ શરીરને જરૂરી પોષક તત્ત્વો આપી શકે છે.ઉદાહરણ તરીકે, ઉનાળામાં છાશ, લીંબુ, તરબૂચ અને શક્કરટેટી જેવા ખોરાક લઈ શકાય છે. ઘઉંની સાથે જવ મિક્સ કરીને રોટલી બનાવી શકાય છે. જ્યારે શિયાળામાં બાજરી, મકાઈ અને જામફળ, સફરજન તથા દાડમ જેવા ફળો ખાઈ શકાય છે. જોકે, દર્દીની સારવાર, પાચનશક્તિ અને ડૉક્ટરની સલાહ પ્રમાણે જ ડાયટ નક્કી કરવી જોઈએ.
આ તસવીર શેર કરો
ADVERTISEMENT
5/7
કેન્સરના દર્દીઓએ શક્ય હોય ત્યાં સુધી ઘરે બનાવેલો તાજો અને પૌષ્ટિક ખોરાક ખાવો જોઈએ. પેકેટ ફૂડ, વધુ પડતી ખાંડવાળી વસ્તુઓ અને ફાસ્ટ ફૂડનું સેવન મર્યાદિત રાખવું હિતાવહ છે. આવા ખોરાકમાં ઘણીવાર વધુ પડતી ખાંડ, મીઠું અને બિનજરૂરી ચરબી હોય છે.સારવાર દરમિયાન શરીરને પૂરતું પ્રોટીન, વિટામિન, કેલરી અને અન્ય પોષક તત્ત્વોની જરૂર પડી શકે છે. તેથી માત્ર અમુક ખોરાક બંધ કરવા કરતાં સંતુલિત અને પૌષ્ટિક આહાર લેવો જરૂરી છે.
આ તસવીર શેર કરો
6/7
સોશિયલ મીડિયા પર કેન્સરને મટાડવા અથવા તેની અસર ઘટાડવા માટે અનેક પ્રકારની ડાયટ અને ઘરેલુ ઉપાયોની વાતો કરવામાં આવે છે. કોઈ વ્યક્તિને કોઈ ખાસ ડાયટથી ફાયદો થયો હોય તો પણ એ દરેક દર્દી માટે કામ કરશે જ એવું નથી. દરેક દર્દીના કેન્સરનો પ્રકાર, સ્ટેજ અને સારવાર અલગ હોઈ શકે છે.તેથી સોશિયલ મીડિયા પર જણાવેલા નુસખા, ડાયટ કે સપ્લિમેન્ટ્સના આધારે પોતાની સારવારમાં ફેરફાર ન કરવો. કોઈ પણ ખોરાક સંપૂર્ણપણે બંધ કરતાં પહેલાં અથવા નવી ડાયટ શરૂ કરતાં પહેલાં સારવાર કરતા ડૉક્ટર કે નિષ્ણાત ડાયટિશિયનની સલાહ લેવી જરૂરી છે.
આ તસવીર શેર કરો
ADVERTISEMENT
7/7
આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
