દિલ્હી / લાલકૃષ્ણ અડવાણી અને એસ જયશંકરને પણ SIRની નોટીસ, જાણો ચૂંટણી પંચે કેમ આવું કર્યું?

મતદાર યાદીની SIR પ્રક્રિયા દરમિયાન જારી કરાયેલી નોટિસની યાદીમાં ઘણા અગ્રણી નામો સામે આવ્યા છે તેમાં ભાજપના વરિષ્ઠ નેતા અને ભૂતપૂર્વ નાયબ વડા પ્રધાન લાલકૃષ્ણ અડવાણી, વિદેશ પ્રધાન એસ. જયશંકર અને ચૂંટણી કમિશનર એસએસ સંધુનો સમાવેશ થાય છે.

કોંગ્રેસના નેતાઓ પણ સામેલ

યાદીમાં કોંગ્રેસના વરિષ્ઠ નેતા અને સાંસદ કપિલ સિબ્બલ , કોંગ્રેસના નેતા અભિષેક મનુ સિંઘવી અને વિદેશ સચિવ વિક્રમ મિશ્રીના નામ પણ શામેલ છે. આ વ્યક્તિઓને મતદાર યાદીના રેકોર્ડની ચકાસણી માટે અલગ અલગ કેસોમાં નોટિસ મોકલવામાં આવી છે.

વધુ વાંચો : ગુજરાતમાં ચોમાસાની વિદાયને લઈને આવ્યાં મોટા સમાચાર, જાણો હવામાન વિભાગે શું કરી આગાહી?

નોટિસ મોકલવાનું કારણ શું છે?

અનેક અગ્રણી રાજકીય અને વહીવટી વ્યક્તિઓને નોટિસ મોકલવામાં આવી છે. અગાઉના SIR રેકોર્ડ સાથે નામોમાં મેળ ખાતો ન હોવાના કારણો અથવા રેકોર્ડમાં વિસંગતતાઓ દર્શાવવામાં આવી છે. વિવિધ કિસ્સાઓમાં, જોડણીની ભૂલો, અગાઉના રેકોર્ડ સાથે મેળ ખાતો ન હોવાના કારણો અને અન્ય રેકોર્ડ-સંબંધિત વિસંગતતાઓ દર્શાવવામાં આવી છે. આ નોટિસનો હેતુ સંબંધિત મતદારોના રેકોર્ડ ચકાસવા અને મતદાર યાદી ચકાસણી પ્રક્રિયાને આગળ વધારવાનો છે. નોટિસ જારી કરવાનો અર્થ એ નથી કે વ્યક્તિનું નામ મતદાર યાદીમાંથી દૂર કરવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ