7 ફોટો ગેલેરી

Gujarat rain forecast / આખો સપ્ટેમ્બર ગુજરાતમાં પડશે વરસાદી ઝાપટાં, વાંચો જયપ્રકાશ માઢકની આગાહી

Last Updated: 12:33 PM, 20 September 2026

FOLLOW ON

શેર કરો

ગુજરાતમાં વરસાદનો ત્રીજો રાઉન્ડ ફરી શરૂ થઈ જવા પામ્યો છે. હવામાન નિષ્ણાંત જયપ્રકાશ માઢકના જણાવ્યા અનુસા અપર એર સર્ક્યુલેશનના કારણે સૌરાષ્ટ્રના અનેક વિસ્તારોમાં વરસાદી માહોલ સર્જાઈ શકે છે.

1/7

1. હવામાન નિષ્ણાંત જયપ્રકાશ માઢકે શું આગાહી કરી

ગુજરાતમાં ચોમાસાની સિઝન અંતિમ તબક્કા તરફ આગળ વધી રહી છે ત્યારે સૌરાષ્ટ્ર સહિત રાજ્યના કેટલાક વિસ્તારોમાં આગામી દિવસોમાં વરસાદી ઝાપટાં પડવાની શક્યતા છે. હવામાન નિષ્ણાત જયપ્રકાશ માઢકના જણાવ્યા મુજબ અપર એર સર્ક્યુલેશન (UAC) ની અસરને કારણે આજે સૌરાષ્ટ્રમાં કેટલાક સ્થળોએ વરસાદી માહોલ રહી શકે છે.

આ તસવીર શેર કરો

2/7

2. 22 સપ્ટેમ્બર સુધી સૌરાષ્ટ્રમાં વરસાદની શક્યતા

આગાહી પ્રમાણે 22 સપ્ટેમ્બર સુધી સૌરાષ્ટ્રના વિવિધ વિસ્તારોમાં છૂટાછવાયા વરસાદી ઝાપટાં પડી શકે છે. જોકે, 22 સપ્ટેમ્બર બાદ વરસાદની શક્યતા ઘટશે. ત્યારબાદ 30 સપ્ટેમ્બરની આસપાસ ફરી કેટલાક વિસ્તારોમાં વરસાદી ઝાપટાં પડવાની શક્યતા વ્યક્ત કરવામાં આવી છે.

આ તસવીર શેર કરો

3/7

3. દક્ષિણ સૌરાષ્ટ્રમાં ક્યાં વરસાદ પડશે?

દક્ષિણ સૌરાષ્ટ્રના કેટલાક વિસ્તારોમાં આજે હળવાથી મધ્યમ વરસાદની શક્યતા છે. જેમાં અમરેલી, ધારી, ખાંભા, સાવરકુંડલા, ઉના, કોડિનાર, રાજુલા, જાફરાબાદ આ ઉપરાંત ભાવનગર જિલ્લાના તળાજા અને મહુવા સહિતના વિસ્તારોમાં પણ વરસાદી ઝાપટાં પડી શકે છે.

આ તસવીર શેર કરો

4/7

4. મધ્ય સૌરાષ્ટ્રમાં પણ વરસાદની શક્યતા

મધ્ય સૌરાષ્ટ્રમાં પણ કેટલાક વિસ્તારોમાં વરસાદી માહોલ જોવા મળી શકે છે. હવામાન આગાહી મુજબ બોટાદ, બરવાળા, જસદણ, વિંછીયા, ધોરાજી અને જેતપુરમાં વરસાદની શક્યતા છે. મોરબી અને સુરેન્દ્રનગરના કેટલાક વિસ્તારોમાં પણ છૂટાછવાયા વરસાદી ઝાપટાં પડી શકે છે.

આ તસવીર શેર કરો

5/7

5. આજે સૌરાષ્ટ્ર, અમદાવાદ અને ખેડા જિલ્લામાં વરસાદીની આગાહી

સૌરાષ્ટ્ર ઉપરાંત અમદાવાદ અને ખેડા જિલ્લાના કેટલાક ભાગોમાં હળવો વરસાદ થવાની શક્યતા છે. સમગ્ર રાજ્યમાં આજે આશરે 15થી 20 તાલુકામાં વરસાદી ઝાપટાં પડી શકે છે.

આ તસવીર શેર કરો

6/7

6. આગામી 7 દિવસ હળવાથી મધ્યમ વરસાદની આગાહી

હવામાન વિભાગના વૈજ્ઞાનિક રામાશ્રય યાદવે શનિવારે જણાવ્યું હતું કે ગુજરાતમાં આગામી સાત દિવસ હળવાથી મધ્યમ વરસાદની આગાહી છે. આજે કેટલાક વિસ્તારોમાં થંડરસ્ટોર્મની ચેતવણી પણ આપવામાં આવી છે. આ દરમિયાન પવનની ગતિ આશરે 30થી 40 કિલોમીટર પ્રતિ કલાક રહેવાની શક્યતા છે.તેમણે ગુજરાત અને આસપાસની હવામાન સિસ્ટમ અંગે જણાવ્યું હતું કે ઉત્તર ગુજરાત અને તેની આસપાસના વિસ્તારમાં સાયક્લોનિક સર્ક્યુલેશન સર્જાયું છે. આ સિસ્ટમને ધ્યાનમાં રાખીને આગામી સાત દિવસ દરમિયાન રાજ્યમાં હળવાથી મધ્યમ વરસાદનું પૂર્વાનુમાન કરવામાં આવ્યું છે.

આ તસવીર શેર કરો

7/7

7. રાજ્યમાં સિઝનનો 88 ટકા વરસાદ

હાલ ગુજરાતમાં સિઝનનો સરેરાશ 88 ટકા વરસાદ નોંધાઈ ચૂક્યો છે. ઝોન પ્રમાણે વરસાદની સ્થિતિ જોઈએ તો દક્ષિણ ગુજરાત: 113 ટકા, પૂર્વ-મધ્ય ગુજરાત: 89 ટકા, ઉત્તર ગુજરાત: 71 ટકા, સૌરાષ્ટ્ર: 68 ટકા, કચ્છ: 57 ટકા સૌરાષ્ટ્રમાં સરેરાશની સરખામણીએ 22 ટકા વરસાદની ઘટ નોંધાઈ છે. આગામી દિવસોમાં પડનારા વરસાદથી ખાસ કરીને સૌરાષ્ટ્રના વરસાદની ઘટમાં કેટલો સુધારો થાય છે તે જોવાનું રહેશે.

આ તસવીર શેર કરો

સંકળાયેલા મુદ્દાઓ

Gujarat weather forecast Gujarat rain forecast Saurashtra rain