તપાસ / મહેસાણામાં નર્મદા કેનાલમાંથી 2 યુવતીઓના મૃતદેહ મળ્યા, હાથ બાંધેલા હોવાની ચર્ચા

મહેસાણા: નાની કડી નજીકથી પસાર થતી નર્મદા કેનાલમાંથી બે યુવતીઓના મૃતદેહ મળી આવતા વિસ્તારમાં ચકચાર મચી છે. કેનાલ નજીકથી પસાર થઈ રહેલા રાહદારીઓની નજર મૃતદેહો પર પડતાં સમગ્ર મામલો સામે આવ્યો હતો.

સ્થાનિક લોકોના ટોળેટોળા ઘટનાસ્થળે એકત્રિત

બે યુવતીઓના મૃતદેહ કેનાલમાં જોવા મળતાં સ્થાનિક લોકોના ટોળેટોળા ઘટનાસ્થળે એકત્રિત થઈ ગયા હતા. ઘટનાની જાણ થતાં પોલીસ સહિતની ટીમો પણ સ્થળ પર પહોંચી હોવાનું જાણવા મળે છે.

બંને યુવતીઓના હાથ બાંધેલા હતા

સ્થાનિક લોકોમાં એવી ચર્ચા ચાલી રહી છે કે બંને યુવતીઓના હાથ બાંધેલા હતા. જોકે, આ અંગે સત્તાવાર રીતે કોઈ પુષ્ટિ થઈ નથી. મૃતદેહોની ઓળખ અને તેમના મોતનું ચોક્કસ કારણ જાણવા માટે પોલીસ દ્વારા તપાસ હાથ ધરવામાં આવી રહી છે.

આ પણ વાંચોઃ ગુજરાત પોલીસમાં આવશે મોટી બદલીઓ, ચૂંટણી પહેલા કોંગ્રેસમાં કલહ, જેન ઝી જ બનશે ભાજપની તારણહાર?

પોલીસ દ્વારા મૃતદેહોને પીએમ અર્થે ખસેડાયા

બંને યુવતીઓ કેનાલમાં કેવી રીતે પહોંચી અને ઘટનાના સંજોગો શું હતા તે અંગે પોલીસ તપાસ બાદ જ વધુ વિગતો સ્પષ્ટ થશે. મૃતદેહોને પોસ્ટમોર્ટમ માટે મોકલી આગળની કાર્યવાહી હાથ ધરવામાં આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ