દુઃખદ / તાપીમાં ગણપતિ વિસર્જન દરમિયાન બેન્ડમાં નાચવા બાબતે ઝઘડો થતાં ઇસમે યુવકનું ઢીમ ઢાળી દીધું

તાપી જિલ્લાના કુકરમુંડા તાલુકાના મોદલા ગામે ગણપતિ વિસર્જન દરમિયાન બેન્ડમાં નાચવા બાબતે થયેલા ઝઘડામાં 21 વર્ષીય યુવકની હત્યા થતાં ચકચાર મચી ગઈ છે. મૃતકની ઓળખ કુકરમુંડાના રાજપુર ગામના રહેવાસી શંકર વળવી તરીકે થઈ છે.

બોલાચાલી બાદ મામલો ઉગ્ર બન્યો

મળતી માહિતી મુજબ, ગણેશ વિસર્જનના કાર્યક્રમ દરમિયાન બેન્ડના તાલે નાચતી વખતે શંકર વળવીનો પગનો અંગૂઠો અન્ય એક યુવકના પગ નીચે દબાઈ ગયો હતો. આ બાબતે બંને વચ્ચે બોલાચાલી થઈ હતી અને મામલો ઉગ્ર બન્યો હતો.

સારવાર દરમ્યાન મોત નિપજ્યું

આ દરમિયાન આરોપી તરીકે જણાવાયેલા વિશાલ પાડવીએ શંકર વળવી સાથે ઝઘડો કર્યા બાદ તેનું ગળું દબાવી દીધું હોવાનું પોલીસ ફરિયાદમાં જણાવાયું છે. ગંભીર હાલતમાં શંકરને સારવાર માટે લઈ જવામાં આવ્યો હતો, પરંતુ તેનું મોત થયું હતું.

આ પણ વાંચોઃ નવસારીમાં 1200 સ્ક્વેર ફૂટ કાચની અનોખી ભૂલભૂલૈયા, કમળ પર બિરાજમાન શ્રીજીના દિવ્ય દર્શન, રોજ ઉમટે છે 2 હજારથી વધુ ભક્તો

પોલીસે ગુનો નોંધી તપાસ શરૂ કરી

ઘટનાની જાણ થતાં કુકરમુંડા પોલીસ સ્થળ પર પહોંચી હતી. પોલીસે વિશાલ પાડવી વિરુદ્ધ ગુનો નોંધી વધુ તપાસ હાથ ધરી છે. હત્યાની સમગ્ર ઘટનાક્રમ અંગે પોલીસ દ્વારા તપાસ કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ