ગુજરાત / ‘અટલ સુશાસન પુરસ્કાર યોજના’ અમલમાં, શ્રેષ્ઠ કામગીરી બદલ અધિકારીઓને ઇનામ, જાણો કોને કેટલો પુરસ્કાર મળશે

ગુજરાત રાજ્યના અધિકારીઓ અને કર્મચારીઓ માટે મહત્વની જાહેરાત કરવામાં આવી છે. રાજ્ય સરકાર દ્વારા અધિકારી-કર્મચારીઓની કામગીરીને પ્રોત્સાહન આપવા માટે ‘અટલ સુશાસન પુરસ્કાર યોજના’ અમલમાં મૂકવામાં આવી છે. આ યોજના હેઠળ સારી કામગીરી કરનારા અધિકારીઓને પુરસ્કાર આપવામાં આવશે. પૂર્વ વડાપ્રધાન અટલ બિહારી વાજપેયીની 100મી જન્મજયંતી વર્ષની ઉજવણીના ભાગરૂપે આ એવોર્ડની જાહેરાત કરવામાં આવી છે. હવે દર વર્ષે અધિકારીઓને તેમની કામગીરી માટે આ પુરસ્કાર એનાયત કરવામાં આવશે.

રાજ્ય સરકાર દ્વારા આ અંગે પરિપત્ર પણ જાહેર કરવામાં આવ્યો છે. પરિપત્રમાં એવોર્ડ માટે પસંદ થનારા અધિકારીઓ તેમજ તેમને આપવામાં આવનારી પુરસ્કારની રકમ અંગેની વિગતો આપવામાં આવી છે. આ યોજના હેઠળ ખાસ કરીને વર્ગ-1 તથા વર્ગ-2ના અધિકારીઓને એવોર્ડ એનાયત કરવામાં આવશે. અધિકારીઓ દ્વારા કરવામાં આવેલી કામગીરીને ધ્યાનમાં રાખીને તેમને આ પુરસ્કાર આપવામાં આવશે, જેથી સરકારી કામગીરીમાં વધુ સારી કામગીરી કરવા માટે પ્રોત્સાહન મળી શકે.

અધિકારીને રૂપિયા 31 હજારનો પુરસ્કાર

આ યોજના હેઠળ જિલ્લા આરોગ્ય અધિકારી, જિલ્લા શિક્ષણાધિકારી, કાર્યપાલક ઈજનેર તથા પુરવઠા અધિકારીને રૂપિયા 31 હજારનો પુરસ્કાર આપવામાં આવશે. એટલે કે આ ચાર પ્રકારના અધિકારીઓને તેમની કામગીરી બદલ 31 હજાર રૂપિયાની પુરસ્કાર રકમ સાથે એવોર્ડ એનાયત કરવામાં આવશે. આ ઉપરાંત મામલતદાર, ટીડીઓ તથા જિલ્લા રમતગમત અધિકારીને રૂપિયા 21 હજારનો પુરસ્કાર આપવામાં આવશે. આ અધિકારીઓને પણ તેમની કામગીરી અને જવાબદારીને ધ્યાનમાં રાખીને અટલ સુશાસન પુરસ્કારથી સન્માનિત કરવામાં આવશે.

સરકાર દ્વારા જાહેર કરાયેલા પરિપત્રમાં પુરસ્કાર સાથે સંબંધિત વિગતો પણ આપવામાં આવી છે. રાજ્યના અધિકારી-કર્મચારીઓ દ્વારા કરવામાં આવતી સારી અને અસરકારક કામગીરીને ઓળખ મળે તેમજ અન્ય અધિકારીઓને પણ ઉત્સાહ મળે તે હેતુથી આ યોજના અમલમાં મૂકવામાં આવી છે. દર વર્ષે આ એવોર્ડ આપવામાં આવનાર હોવાથી વિવિધ વિભાગોમાં કામગીરી કરતા અધિકારીઓ માટે આ મહત્વની તક રહેશે.

આ પણ વાંચો : ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, આજે પણ લાંબી કતારો

‘અટલ સુશાસન પુરસ્કાર યોજના’ દ્વારા અધિકારીઓની કામગીરીને સન્માન આપવાની સાથે સરકારી તંત્રમાં સારી કામગીરીને પ્રોત્સાહન આપવાનો પ્રયાસ કરવામાં આવ્યો છે. પૂર્વ પીએમ અટલ બિહારી વાજપેયીની 100મી જન્મજયંતી વર્ષની ઉજવણીના ભાગરૂપે શરૂ કરવામાં આવેલી આ યોજનામાં વર્ગ-1 અને વર્ગ-2ના અધિકારીઓને તેમની કામગીરી બદલ પુરસ્કાર આપવામાં આવશે. સરકાર દ્વારા જાહેર કરાયેલા પરિપત્ર મુજબ વિવિધ અધિકારીઓ માટે રૂપિયા 31 હજાર અને રૂપિયા 21 હજારની પુરસ્કાર રકમ નક્કી કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ