ગુજરાત / ધોરણ 6થી 12ના વિદ્યાર્થીઓ માટે મોટી સુવિધા, દીક્ષા પોર્ટલ પર 845થી વધુ વર્ચ્યુઅલ લેબ

શાળાઓમાં ધોરણ- 6 થી 12ના વિદ્યાર્થીઓ માટે વિજ્ઞાન અને ગણિતનું પ્રેક્ટિકલ ભણતર હવે માત્ર શાળાની લેબ સુધી મર્યાદિત નહીં રહે.

દીક્ષા પોર્ટલ પરએનસીઇઆરટીના અભ્યાસક્રમ આધારિત 845થી વધુ વર્ચ્યુઅલ લેબ અને ડિજિટલ રિસોર્સ ઉપલબ્ધ કરાવવામાં આવ્યા છે, જેના કારણે વિદ્યાર્થીઓ ઘરે બેઠા પણ પ્રયોગોનું સિમ્યુલેશન કરી શકશે. ખાસ કરીને અમદાવાદમાં જે સીબીએસઈ શાળાઓમાં સ્માર્ટ ક્લાસ અને ડિજિટલ લર્નિંગનો ઉપયોગ થાય છે, ત્યાં આ સુવિધા વિદ્યાર્થીઓ માટે રિવિઝન અને કોન્સેપ્ટ ક્લિયર કરવા ઉપયોગી બનશે.

શિક્ષણ મંત્રાલય અને ઇલેક્ટ્રોનિક્સ

તથા માહિતી ટેક્નોલોજી મંત્રાલય દ્વારા CIET-NCERTના સહયોગથી તૈયાર કરાયેલા આ ડિજિટલ રિસોર્સમાં ધોરણ, વિષય અને પ્રકરણ પ્રમાણે સામગ્રી ઉપલબ્ધ કરાવવામાં આવી છે. સીબીએસઈ સંલગ્ન શાળાઓને વિદ્યાર્થીઓ સુધી આ સુવિધા પહોંચાડવા માટે જણાવાયું છે.

આ પણ વાંચો : લાંચના ખેલમાં ડિજિટલ દાવ, રોકડ છોડીને ક્રિપ્ટોકરન્સી તરફ ભ્રષ્ટ અધિકારીઓ, ACB હવે ટ્રાન્ઝેક્શન ટ્રેલથી શોધશે લાંચનું નાણું

વિદ્યાર્થીઓને અલગથી કોઈ મોંઘાં સાધનો ખરીદવાની જરૂર નહીં પડે. એસીઈઆરટી પાઠ્યપુસ્તકના પ્રકરણની શરૂઆતમાં આપેલા QR કોડ સ્કેન કરતાં સંબંધિત ડિજિટલ રિસોર્સ અને વર્ચ્યુઅલ લેબ સુધી પહોંચી શકાય છે. મોબાઇલ એપ અને દીક્ષા પોર્ટલ પરથી પણ ધોરણ-વિષય-ચેપ્ટર પ્રમાણે સામગ્રી મેળવી શકાશે. જ્યારે વાસ્તવિક લેબમાં કેમિકલ, સાધન કે સમયની મર્યાદા રહે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ