બોલિવૂડ / ખેતી કરવી, દેશી ખોરાક ખાવો, કઈક આવી હતી પીઢ અભિનેતા ધર્મેન્દ્રની જીવનશૈલી

હિન્દી સિનેમાના દિગ્ગજ અભિનેતા ધર્મેન્દ્ર દેઓલનું 89 વર્ષની વયે અવસાન થયું છે. બોલીવુડ અને તેમના ચાહકો માટે આ એક મોટી ખોટ છે. અભિનેતા છેલ્લા કેટલાક દિવસોથી હોસ્પિટલમાં દાખલ હતા. હંમેશા ખુશખુશાલ વ્યક્તિત્વ ધરાવતા, તેઓ સોશિયલ મીડિયા દ્વારા તેમના ચાહકો સાથે અપડેટ રહેતા હતા. તેમની ફિલ્મ "21" પણ રિલીઝ માટે તૈયાર છે. "હી-મેન" તરીકે જાણીતા ધર્મેન્દ્ર વૃદ્ધાવસ્થામાં પણ પોતાને સક્રિય રાખતા હતા. તેઓ વારંવાર શાકભાજી ખાવાથી લઈને તેમની શારીરિક પ્રવૃત્તિઓ સુધીની દરેક વસ્તુની ઝલક ફેન્સ સાથે શેર કરતા હતા.

અભિનેતા ધર્મેન્દ્ર ફિટનેસ ઉત્સાહી તરીકે જાણીતા હતા અને 89 વર્ષની ઉંમરે પણ તેઓ તેમના ફુ઼ડ અને ફિટનેસ પ્રત્યે ખૂબ કાળજી રાખતા હતા.ફેન્સ તેમની સાદગીના ફેન હતા. તેઓ વારંવાર તેમના ફાર્મહાઉસમાંથી તેમની લાઈફસ્ટાઈલના ફોટા અને વીડિયો શેર કરતા હતા.

હોમમેડ ફુડ ફેવરેટ હતું

અભિનેતા ધર્મેન્દ્રની જીવનશૈલી ખૂબ જ સરળ હતી. તેઓ લોનાવાલામાં તેમના ફાર્મહાઉસમાં રહેતા હતા જ્યાં તેઓ ગાયો અને ભેંસોનું પાલન-પોષણ કરતા હતા. તેમના ફાર્મહાઉસમાં ઓર્ગેનિક શાકભાજી ઉગાડવાથી માંડી તાજા ફળો સુધીની દરેક વસ્તુ ઉગાડવામાં આવતી હતી. તેઓ ઘરે બનાવેલા ખોરાકને પસંદ કરતા હતા.

આ પણ વાંચોઃ અંતે 89 વર્ષની વયે 'ધરમપાજી'ના અલવિદા, PM મોદીએ લખ્યું 'એક યુગનો અંત', કલાકારો પહોંચ્યા સ્મશાન ઘાટ

હેલ્થનું પુરુ ધ્યાન રાખ્યું

અભિનેતા ધર્મેન્દ્ર તેમની ઉંમર પ્રમાણે દરરોજ હળવી કસરત, સ્ટ્રેચિંગ અને હળવી ફિઝીયોથેરાપી કરતા રહ્યા. તેમણે એક્ટિવ રહેવા માટે કેટલીક નવીન રીતો પણ શોધી કાઢી જેમ કે લોટ મિલમાં પોતાનો લોટ પીસવો. આ વિડિઓમાં તમે અભિનેતાને સાયકલ ચલાવતા જોઈ શકો છો જે લોટ પીસતો હોય છે જે કામ કરતી વખતે કસરત કરવાની એક બેસ્ટ રીત બનાવે છે.

View this post on Instagram

A post shared by Dharmendra Deol (@aapkadharam)

સ્વીમિંગથી રહેતા હતા ફીટ

અભિનેતા ધર્મેન્દ્રના ફાર્મહાઉસમાં એક સ્વિમિંગ પૂલ પણ હતો અને તે વારંવાર તેમાં તરવાની પોસ્ટ્સ શેર કરતા હતા. વધુમાં, ખેતરમાં ટ્રેક્ટર ચલાવવું, તેના પાલતુ પ્રાણીઓ અને ખેતરના કામદારો સાથે સમય વિતાવવો એ બધું અભિનેતાની દૈનિક જીવનશૈલીનો ભાગ હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ