ધર્મ / આવતીકાલે અનંત ચતુર્દશી: તો નોટ કરી લેજો ગણેશ વિસર્જનની પૂજા વિધિથી લઇને શુભ મૂહુર્ત

ગણપતિ બાપ્પાની દસ દિવસ પૂજા કર્યા બાદ અનંત ચતુર્દશીના દિવસે ગણેશ વિસર્જન કરવામાં આવે છે. ગણેશ વિસર્જન સાથે જ 10 દિવસ સુધી ચાલતા ગણેશ મહોત્સવનું સમાપન થાય છે. આ દિવસે ઘર અને પંડાળમાં સ્થાપિત કરાયેલા ગણેશજીની મૂર્તિનું વિસર્જન કરવામાં આવે છે.

આ વર્ષે અનંત ચતુર્દશી 6 સપ્ટેમ્બરના દિવસે આવી રહી છે. ગણેશ વિસર્જનના દિવસે ભગવાન ગણેશની મૂર્તિને માન-સન્માન અને ધામધૂમ સાથે વિસર્જન કરવામાં આવે છે. ગણેશજીની મૂર્તિનું વિસર્જન ન થાય ત્યાં સુધી કેટલાક નિયમો પાળવામાં આવે છે. જાણી લો ગણેશ વિસર્જનની પૂજા વિધિના નિયમોથી લઇને શુભ મૂહુર્ત સુધીની દરેક માહિતી.

ગણેશ વિસર્જન માટે શુભ મુહૂર્ત

• પ્રાતઃ મુહૂર્ત (શુભ): સવારે 07:36 થી 09:10 સુધી
• અપરાહ્ન મુહૂર્ત (ચર, લાભ, અમૃત): બપોરે 12:19 થી સાંજે 05:02 સુધી
• સાંજનું મુહૂર્ત (લાભ): સાંજે 06:37 થી 08:02 સુધી
• રાત્રિ મુહૂર્ત (શુભ, અમૃત, ચર): રાત્રે 09:28 થી વહેલી સવારે 01:45 (7 સપ્ટેમ્બર સુધી)
• ઉષા કાળ મુહૂર્ત (લાભ): વહેલી સવારે 04:36 થી 06:02 (7 સપ્ટેમ્બર)

View this post on Instagram

A post shared by VTV Gujarati News and Beyond (@vtv_gujarati_news)

ગણેશ વિસર્જનની પૂજાવિધિ

• ભગવાન ગણેશની સ્થાપિત મૂર્તિની વિધિપૂર્વક પૂજા-અર્ચના કરો.
• વિસર્જન કરતા પહેલા આરતી જરૂર કરો.
• વિસર્જન માટે સ્વચ્છ પાણીવાળો વિસ્તાર પસંદ કરો. જેમ કે નદી, તળાવ કે સમુદ્ર.
• વિસર્જન માટે મૂર્તિને લઈ જતાં પહેલા ઘરમાં અથવા પંડાળમાં અખંડ ચોખા છાંટો.
• આનંદ સાથે ગીતો ગાતાં ગાતાં મૂર્તિને લઈ જવી.
• વિસર્જન સમયે “ૐ ગં ગણપતયે નમઃ” અથવા “જય દેવ જય દેવ જય મંગલ મૂર્તિ” જેવા મંત્રોનો જાપ કરો.
• મૂર્તિને ધીમેથી પાણીમાં વિસર્જિત કરો.
• શક્ય હોય તો પાણીમાં મૂકતા પહેલાં મૂર્તિને સ્પર્શી આશીર્વાદ લો.
• વિસર્જન પછી થોડો સમય પાણી પાસે ઊભા રહી ભગવાનનો આભાર વ્યક્ત કરો.
• અંતે બધા ભક્તો મળીને “ગણપતિ બાપ્પા મોરિયા, આવતા વર્ષે જલ્દી આવજો”નો જયકાર કરો.

વધુ વાંચો : જાણો આજના દિવસે જ કેમ ઉજવાય છે ઈદ-એ-મિલાદ, જાણો ધાર્મિક મહત્વ અને ઇતિહાસ

આ રીતે વિધિવત પૂજા કરીને બાપ્પાનું વિસર્જન કરવામાં આવે તો ભગવાન ગણેશ ભક્તોની દરેક ઈચ્છા પૂરી કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ