ધર્મ / સુખ-સમૃદ્ધિ સાથે મળશે વિશેષ પુણ્ય, ચંદ્રગ્રહણ બાદ તરત કરી લેજો આ કામ

દેશમાં આજે વર્ષનું અંતિમ ચંદ્રગ્રહણ થવા જઈ રહ્યું છે. આ ચંદ્રગ્રહણ રાત્રે 9 વાગીને 57 મિનિટથી શરૂ થઈ મધરાત્રે 1 વાગીને 23 મિનિટ સુધી રહેશે. ચંદ્રગ્રહણ સમાપ્ત થયા પછી કેટલાક વિશેષ કાર્ય કરવા જોઈએ. તેનાથી સુખ-સમૃદ્ધિ સાથે જ વિશેષ ફળની પ્રાપ્તિ થાય છે. ચાલો જાણીએ ચંદ્રગ્રહણ પૂર્ણ થયા બાદ શું કરવું જોઈએ?

ભગવાનનું પૂજન

ચંદ્રગ્રહણ દરમિયાન ભગવાન ગ્રહોના પ્રભાવથી ઘેરાયેલા હોય છે. તેથી ભજન-કીર્તન કરવું અનિવાર્ય છે. ગ્રહણ પૂર્ણ થયા પછી સ્નાન કરી ભગવાનનું પૂજન-અર્ચન કરવું જોઈએ. જો ચંદ્રગ્રહણ મોડી રાત્રે પૂર્ણ થાય, તો ઘરના મંદિર કે પૂજાગૃહમાં ભગવાનની આરાધના કરવી જોઈએ.

દાન આપવું

ચંદ્રગ્રહણ પૂર્ણ થયા બાદ શક્ય હોય તો દાન આપવું જોઈએ. દાન કરવાથી ભગવાન અત્યંત પ્રસન્ન થાય છે અને મનની દરેક ઈચ્છા પૂરી કરે છે. દાનમાં વસ્ત્ર, અનાજ અને આભૂષણ આપવાથી અલગ-અલગ ફળ મળે છે.

ચંદ્રદોષ હોય તો આટલું કરો

જો તમારી કુંડળીમાં ચંદ્રદોષ છે તો ચાંદીના આભૂષણ કે સિક્કાનું દાન કરવું જોઈએ. આવું કરવાથી તમારો ચંદ્ર ગ્રહ મજબૂત બને છે. તેનાથી માનસિક તણાવ દૂર થાય છે.

સફેદ વસ્તુઓનું દાન

ચંદ્રનો રંગ સફેદ છે, તેથી સફેદ વસ્તુઓનું દાન કરવું જરૂરી માનવામાં આવે છે. જે કોઈ વસ્તુ કે સામાન દાન કરવો હોય, તેને ગ્રહણ શરૂ થાય તે પહેલાં સ્પર્શ કરી રાખવો જોઈએ અને ગ્રહણ પૂરુ થયા બાદ દાન આપવું જોઈએ.

અનાજનું દાન

ચંદ્રગ્રહણ દરમિયાન અનાજનું દાન કરવું પણ અત્યંત પુણ્યદાયી માનવામાં આવ્યું છે. ઘઉં હોય કે ચોખા, મગની દાળ કે અન્ય ખાદ્ય સામગ્રી, બધું જ દાન કરી શકાય છે. પૌરાણિક માન્યતા મુજબ અન્નદાન કરવાથી તમારા ઘરમાં તિજોરી ક્યારેય ખાલી નથી થતી.

વધુ વાંચો: ગ્રહણ કાળમાં સેક્સ સંબંધ બાંધશો તો બનશે આ ખૌફનાક ઘટના, જાણો શું કહે છે શાસ્ત્ર

આ ચંદ્રગ્રહણ સાથે જ પિતૃપક્ષની શરૂઆત થઈ રહી છે. આવા સમયમાં પોતાના પિતૃઓની આત્મશાંતિ માટે ગાયનું દૂધ, ગંગાજળ, કાળા તલ અને જવ વગેરેનું દાન કરી શકાય છે. આવું કરવાથી પિતૃઓની આત્માને શાંતિ મળે છે અને તેઓ તમને આશીર્વાદ આપે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ