Navratri 2025 / આજે અંખડ જ્યોતિની સ્થાપના કરતાં પહેલા આ મંત્રનો કરો જાપ, માતારાણી થશે પ્રસન્ન

શારદીય નવરાત્રીના 10 દિવસો દરમિયાન, ભક્તો દેવી દુર્ગાના નવ સ્વરૂપોની ભક્તિપૂર્વક પૂજા કરે છે. આ પાવન તહેવારમાં એક અત્યંત મહત્વપૂર્ણ વિધિ છે અખંડ જ્યોતિ—એવી જ્યોત જે નવરાત્રીના પ્રથમ દિવસથી દશમી તિથિ સુધી સતત પ્રજ્વલિત રાખવામાં આવે છે. માન્યતા છે કે આ અખંડ જ્યોતિ ઘરમાં સૌભાગ્ય, સમૃદ્ધિ અને આનંદનું પ્રતીક છે.

આ વર્ષે 22 સપ્ટેમ્બરના રોજ નવરાત્રીની શરૂઆત સાથે જ અખંડ જ્યોતિ સ્થાપિત કરવામાં આવશે. પ્રથમ કળશ સ્થાપના કર્યા બાદ, ભક્તોએ અખંડ જ્યોતિ પ્રગટાવવાનો સંકલ્પ લેવાનો હોય છે. પ્લેટફોર્મ પર હળદર કે ચોખાના દાણા વડે આઠ પાંખડીઓવાળું કમળ (અષ્ટદળ) બનાવવામાં આવે છે. આ અષ્ટદળની મધ્યમાં માટી કે પિત્તળનો દીવો મૂકી તેમાં લાંબી, જાડી કપાસની વાટ કે કલાવમાંથી બનેલી વાટ નાખવામાં આવે છે. દીવામાં શુદ્ધ ગાયનું ઘી અથવા તલનું તેલ રેડીને દીવો દેવી દુર્ગાની પ્રતિમા સામે મૂકવામાં આવે છે.

દીવો પ્રગટાવનો સમય

દીવો પ્રગટાવતા સમયે 'કરોતિ કલ્યાણમ, આરોગ્ય ધન સંપદમ, શત્રુ બુદ્ધિ વિનાશય, દીપમ જ્યોતિ નમોસ્તુતે' મંત્રનો જાપ કરીને પૂજા કરવી જોઈએ. દીવા પર ફૂલો, રોળી અને ચોખાના દાણા અર્પણ કરીને, જ્યોતિને કાચની ચીમનીથી ઢાંકી દેવાય તો તે બુઝાય નહીં.

શું છે તેના નિયમો

નિયમો મુજબ, અખંડ જ્યોતિ પ્રતિપદા તિથિથી દશમી તિથિ સુધી સતત પ્રગટાવવી આવશ્યક છે. જ્યોત બુઝે તો તેને ફૂંક મારવી કે હવાનો ઉપયોગ કરવો નહીં, પરંતુ પોતાની જાતે ઠંડી થવા દેવી જોઈએ. નિયમિતપણે તેમાં ઘી અથવા તેલ ઉમેરવું જરૂરી છે. તૂટેલા ચોખાનો ઉપયોગ કરવો નહીં તેને અશુભ માનવામાં આવે છે.

આ પણ વાંચો : ગુજરાતમાં અહીં આવેલી છે ચમત્કારિક શક્તિઓનો આભાસ કરાવતી અઘોરી બાબાની સમાધિ, જ્યાં ચડે છે ગુલાબ

વાસ્તુશાસ્ત્ર અનુસાર શું છે?

વાસ્તુશાસ્ત્ર અનુસાર, અખંડ જ્યોતિ દક્ષિણપૂર્વ દિશામાં (અગ્નેય કોન) રાખવી અત્યંત શુભ માનવામાં આવે છે, જે ઘરમાં સુખ-સમૃદ્ધિ લાવે છે. પૂર્વ દિશામાં પણ દીવો મૂકાઈ શકે છે. ખાસ ધ્યાન રાખવું કે જ્યોતિ જવ, ચોખા કે ઘઉં પર સ્થાપિત કરવામાં આવે. માન્યતા છે કે જે ઘરમાં નવ દિવસ સુધી અખંડ જ્યોતિ પ્રગટે છે ત્યાં દેવી દુર્ગાની વિશેષ કૃપા વરસે છે અને ઘર હંમેશા સુખ-સમૃદ્ધિથી ભરપૂર રહે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ