VTVGujarati.comએ કરેલાં ઓપરેશન ‘ગુજરાત બચાવો’ના અહેવાલ બાદ પોલીસ તંત્ર સફાળુ જાગ્યું છે અને એટલું જ નહીં પરંતુ રાજ્યના DGP શિવાનંદ ઝાએ નશાના કારોબારને રોકવા માટે આકરાં આદેશ આપ્યા છે. DGPએ ડ્રગ્સના કાળા કારોબારને તાત્કાલિક રોકવા જે તે વિસ્તારના PI અને PSIને સસ્પેન્ડ કરવા સુધીના આદેશ આપ્યા છે.
DGP શિવાનંદ ઝાએ કહ્યું જ્યાંથી ડ્રગ્સ પકડાશે તે વિસ્તારના PI અને PSI સસ્પેન્ડ કરાશે
VTVGujarati.comના ઓપરેશન ‘ગુજરાત બચાવો’ના અહેવાલ બાદ પોલીસની ઉંઘ ઉડી
રેલવે પોલીસ સાથે સંકલન કરી સતત ચેકિંગ કરવાના ઓર્ડર આપ્યા
રાજ્યમાં ચાલી રહેલા ડ્રગ્સના વેપાર મામલે VTVGujarati.com એ ઓપરેશન ગુજરાત બચાવોનો અહેવાલ રજૂ કર્યો હતો. VTVGujarati.comએ રજૂ કરેલા અહેવાલની અસર થઈ છે. VTVGujarati.comના અહેવાલ બાદ તંત્ર જાગ્યુ છે. ત્યારે હવે રાજ્યના DGP શિવાનંદ ઝાએ નશાના કારોબાર રોકવા માટેના આદેશ આપ્યા છે. આગામી દિવસમાં જો કોઈ પણ વિસ્તારમાંથી નશાનો કારોબાર ઝડપાશે, તો સ્થાનિક પોલીસ ઈન્સપેક્ટર અને પોલીસ સબ ઈન્સપેક્ટર જવાબદાર ગણાશે.
શું આદેશ આપ્યા DGP શિવાનંદ ઝાએ?
જે વિસ્તારમાં કેફીદ્રવ્યો પકડાશે ત્યાનાં સ્થાનિક PI-PSI ને સસ્પેન્ડ કરવામાં આવશે. આ માટે નશીલા પદાર્થોના ખરીદ-વેચાણ માટે સ્થાનિક પોલીસતંત્ર જવાબદાર ગણાશે.
ડ્રગ્સ વેચનાર અને ખરીદનારને નહીં બક્ષવામાં આવે
કેફીદ્રવ્યોનું સેવન કરનાર સામે કડક પગલા લેવા માટે DGP એ આદેશ આપ્યા છે તેમણે વેચનારને પણ સખતમાંથી સખત સજા થાય અને તરત જ ઝડપાઈ જાય તેવી વ્યવસ્થા કરવા જણાવ્યું છે.
ક્યાં ક્યા રખાશે સઘન ચેકિંગ
શૈક્ષણિક સંસ્થાઓ પાસે બાજ-નજર રાખવા આદેશ અપાયા છે. રેલવે પોલીસ સાથે સંકલન કરી સતત ચેકિંગ કરવાના ઓર્ડર છે.આગામી દિવસોમાં નવરાત્રીમાં કડક ચેંકિંગ કરીને આ વખતે માફિયાઓને નિષ્ફળ બનાવવા કટીબધ્ધતા દાખવવા માટે પણ આદેશ આપવામાં આવ્યા છે.