સ્પોર્ટ્સ / કોમનવેલ્થ ગેમ્સ 2022: ભારતના ખાતામાં સાતમો મેડલ પાક્કો, આ રમતમાંથી દેશ માટે આવી મોટી ખુશખબર

• કોમનવેલ્થ ગેમ્સમાં ભારતને વધુ એક મેડલ પાક્કો
• લોન બોલ ઈવેન્ટમાં ભારતની ન્યૂઝીલેન્ડ સામે જીત
• ફાઈનલમાં હવે સાઉથ આફ્રિકા સામે ટકરાશે

કોમનવેલ્થ ગેમ્સમાં ભારતના નામે વધુ એક મેડલ આવ્યો છે. લોન બૉલ ઈવેન્ટની મહિલા ફોર્સે ન્યૂઝીલેન્ડને 16-13થી માત આપીને મેડલ પોતાના ખાતામાં કર્યો છે. લવલી ચૌબે, પિંકી, નયનમોની સાઈકિયા અને રૂપા રાની ટિર્કીની ચોકડી હવે ગોલ્ડ મેડલ માટે સાઉથ આફ્રિકાનો સામનો કરશે.

#CommonwealthGames2022 | India beat New Zealand 16-13 in Lawn Bowls Women's Fours to reach the final; secures silver medal

— ANI (@ANI) August 1, 2022

તો વળી વેઈટલિફ્ટિંગની મેંસ 81KG વેટ કેટેગરીમાં ભારતના અજય સિંહ મેડલ જીતવામાં ચુકી ગયા છે. તેમણે સ્નેચ અને ક્લીન એન્ડ જર્ક મળીને 319 કિગ્રા વેટ ઉઠાવ્યો અને ચોથા સ્થાન પર રહ્યા હતા. ઈંગ્લેન્ડના ક્રિસ મરે 325 કિગ્રામ ગેમ્સમાં રેકોર્ડ સાથે ગોલ્ડ જીત્યો હતો. 

ભારત મેડલ ટેલીમાં છઠ્ઠા સ્થાન પર 

ભારતે અત્યાર સુધીમાં 3 ગોલ્ડ સહિત 3 મેડલ જીત્યા છે. મેડલ ટેલીમાં ભારત હજૂ પણ છઠ્ઠા સ્થાન પર છે. ઓસ્ટ્રેલિયા 22 ગોલ્ડ સાથે 52 મેડલ જીતીને પ્રથમ સ્થાન પર છે.