અનલોક-1માં 8 જૂનથી મોલ, હોટેલ અને રેસ્ટોરન્ટને ખોલવાની મંજૂરી આપવામાં આવી છે ત્યારે કેન્દ્ર સરકારે નવી ગાઇડલાઇન જાહેર કરી છે. જે મુજબ હોટલ, મોલ અને રેસ્ટોરન્ટમાં જનાર દરેક વ્યક્તિએ આરોગ્ય સેતુ એપને ફરજિયાત ડાઉનલોડ કરવી પડશે. ફેસ માસ્ક અને 6 ફૂટનું અંતર જાળવવા પણ ફરજિયાત આદેશ કરાયો છે. આ સાથે કોરોનાના લક્ષણ ન હોય તેને જ હોટલ, મોલ અને રેસ્ટોરન્ટમાં પ્રવેશ અપાશે.
મોલ, હોટેલ અને રેસ્ટોરન્ટ માટે નવી ગાઇડલાઇન જાહેર
તમામ જગ્યાએ જનાર માટે આરોગ્ય સેતુ એપ ફરજિયાત
ફેસ માસ્ક અને 6 ફૂટનું અંતર જાળવવા અપાઇ સૂચના
આ રીતે ખોલવામાં આવશે તમામ સ્થળો
લોકોની લાઇન સુનિશ્ચિત કરવા રાઉન્ડનું ચિહ્ન બનાવવા સૂચના અપાઇ છે.તમામ સ્થળોને સમયાંતરે સેનેટાઇઝ કરવા, સ્વચ્છતા જાળવવા આદેશ કરાયો છે. તો મોલની અંદર દુકાનો ખોલી શકાશે પરંતુ ગેમ ઝોન અને સિનેમા બંધ રહેશે. મોલમાં એર કન્ડિશનિંગ 24-30 ડિગ્રી રાખવા સૂચના અપાઇ છે. આ તરફ હોટલોમાં પણ લક્ષણ વિનાના સ્ટાફ અને ગેસ્ટને પ્રવેશ અપાશે. હોટેલમાં ઓનલાઇન પેમેન્ટને પ્રાથમિકતા આપવા પર ભાર મુકવા કહેવાયું છે. રેસ્ટોરન્ટોમાં પાર્સલ સુવિધાને પ્રાધાન્ય આપવા પર ભાર મુકાશે. રેસ્ટોરન્ટોમાં જમતી વખતે સોશિયલ ડિસ્ટન્સ જાળવાય તે પણ જરૂરી છે.