- પુલવામા આતંકી હુમલાના મુદ્દે કોંગ્રેસે સરકારને ઘેરી
- આતંકવાદી હુમલાની ધમકી છતાં સૈનિકોને રોડ માર્ગે મુસાફરી કરવાની ફરજ કેમ પડી
- સીઆરપીએફ જવાનને એરલિફ્ટ કેમ ન કરવામાં આવ્યા
પુલવામા આતંકી હુમલાના મુદ્દે કોંગ્રેસે વધુ એક વખત ભાજપને બરાબરની ઘેરી છે. જમ્મુ-કાશ્મીરના પૂર્વ રાજ્યપાલ સત્યપાલ મલિકે એક ઈન્ટરવ્યુમાં દાવો કર્યો કે CRPFએ ગૃહ મંત્રાલયને જવાનોને લઈ જવા માટે વિમાનોની માંગ કરી હતી. જોકે સરકાર દ્વારા આ માટે મંજૂરી અપાઈ ન હતી. ત્યારે મલિકના દાવા બાદ કોંગ્રેસ આકરા પાણીએ થઈ છે અને અણિયારો સવાલ
કરતા કહ્યું કે આતંકવાદી હુમલાની ધમકી છતાં સૈનિકોને રોડ માર્ગે મુસાફરી કરવાની ફરજ કેમ પડી હતી.
કોંગ્રેસ આગેવાનોએ કેન્દ્રને પૂછ્યું કે...
પુલવામા આતંકી હુમલાના મુદ્દે કેન્દ્ર સરકારને અનેક સવાલો પૂછતાં કોંગ્રેસ આગેવાનોએ કેન્દ્રને પૂછ્યું કે CRPF જવાનોને વિમાન કેમ આપવાનો ઇનકાર કરવા પાછળનું કારણ શું હતું. એટલું જ નહી આતંકી હુમલાની તપાસના પરિણામ અંગે પણ કોંગ્રેસે સરકાર પાસેથી જવાબ માંગ્યો છે. મહત્વનું છે કે કે 14 ફેબ્રુઆરી 2019ના રોજ જમ્મુ-કાશ્મીરના પુલવામામાં આતંકી હુમલો થયો હતો. જેમાં 40 જેટલા CRPF જવાનો શહીદ થયા હતા.
કોંગ્રેસના મહાસચિવ જયરામ રમેશે કેન્દ્ર સરકાર પર પ્રહાર
તો બીજી બાજુ કોંગ્રેસના નેતા સુપ્રિયા શ્રીનેતે કહ્યું હતુ કે આતંકીઓની ધમકીની અવગણના કેમ કરવામાં આવી ! સીઆરપીએફ જવાનને એરલિફ્ટ કેમ ન કરવામાં આવ્યા? વધુમાં આતંકવાદીઓ પાસે 300 કિલો આરડીએક્સ ક્યાંથી આવ્યું? તેવા પણ સવાલો ઉઠાવ્યા હતા.સત્યપાલ મલિકના એક મીડિયાના ઇન્ટરવ્યુના દાવાને લઈને કોંગ્રેસના મહાસચિવ જયરામ રમેશે કેન્દ્ર સરકાર પર 'લઘુત્તમ શાસન અને મહત્તમ મૌન'નો આરોપ લગાવ્યો હતો. તેમણે વધુમાં જણાવ્યું કે વિપક્ષ જે પણ મુદાને ઉઠાવે છે. તેના જવાબ આપવાની જવાબદારી સરકારના શિરે છે. આગામી સમયમાં પણ કોંગ્રેસ રાષ્ટ્રીય સુરક્ષા સાથે જોડાયેલા મુદ્દાઓ પર પ્રશ્નો ચાલુ રાખશે તેવો અંતમાં દાવો કર્યો હતો.
