મોટો ઝટકો / Commonwealth Games 2022: ભારતીય મહિલા હૉકી ટીમમાં કોરોનાની એન્ટ્રી, નવજોત કૌરને કર્યા આઈસોલેટ

• કોમનવેલ્થ ગેમ્સમાં હોકી ટીમને મોટો ઝટકો
• ભારતીય મહિલા ખેલાડી કોરોના પોઝિટિવ આવ્યા
• નવજોત કૌરને આઈસોલેશનમાં રાખવામાં આવ્યા

કોમનવેલ્થ ગેમ્સ 2022માં મેડલની આશા લગાવીને બેઠેલી ભારતીય મહિલા હોકી ટીમ પર કોરોનાનું ગ્રહણ લાગ્યું છે. ટીમના મિડફીલ્ડર નવજોત કૌર કોવિડ 19 પોઝિટિવ આવ્યા છે. તેમને હાલમાં આઈસોલેટ કરવામાં આવ્યા છે. આપને જણાવી દઈએ કે, કોમનવેલ્થ ગેમ્સ 2022માં ભારતીય મહિલા હોકી ટીમે પ્રથમ દિવસે જ ધાના પર 5-0થી જીત મેળવી છે. 

નવજોત કૌરને ભારત પરત મોકલી શકે છે

મહિલા હોકી ટીમ સાથે જોડાયેલ સૂત્રોએ જણાવ્યું છે કે, નવજોત કૌરને આઈસોલેશનમાં રાખવામા આવ્યા છે. તેઓ પ્રથમ ટેસ્ટમાં કોવિડ પોઝિટિવ આવ્યા છે. તથા બીજા ટેસ્ટમાં તેમના CT વેલ્યૂમાં સુધાર આવ્યો છે. બીજાને તેમનાથી સંક્રમણનો ના બરાબર છે. પણ શક્ય છે કે આઈસોલેશન બાદ તેમને ભારત પરત મોકલવામાં આવે.

મહિલા ક્રિકેટ ટીમમાં બે પોઝિટિવ કેસ મળ્યા

હાલમાં જ મહિલા ક્રિકેટ ટીમની પૂજા વસ્ત્રકાર અને એસ મેઘના પણ કોવિડ પોઝિટિવ આવ્યા છે. જો કે, હવે બંને રિકવર થઈ ચુકી છે. તે જ સમયે મેઘનાએ ટીમ ઈન્ડિયા જોઈન કરી લીધી છે. જ્યારે પૂજા 3 ઓગસ્ટના રોજ થનારી ટૂર્નામેન્ટમાં ટીમમાં જોડાશે.