નિર્ણય / ચીનમાં બાળકો 90 મિનિટથી વધુ ઓનલાઈન ગેમ નહીં રમી શકે, જાણો કારણ

• ચીને બાળકોમાં ઓનલાઇન ગેમ રમવા પર અંકુશ લગાવવા માટે સખત પગલા લીધા
• ચીને ઓનલાઇન ગેમ રમવા પર નવા દિશા-નિર્દેશ જાહેર કર્યા છે
• રાતના ૧૦થી સવારના ૮ વાગ્યા સુધી ગેમ રમવા પર પ્રતિબંધ રહેશે

નવા દિશા-નિર્દેશોમાં ઓનલાઇન ગેમ રમવા પર ખર્ચ થતી રકમ પર પણ કાતર ચલાવાઇ છે. હવે બાળકો ગેમ પર દર મહિને ૨૦૦ યુઆન (લગભગ રૂ.૨૦૦૦) થી વધુ ખર્ચ નહીં કરી શકે. ૧૬ થી ૧૮ વર્ષની ઉંમરનાં બાળકો માટે તેની મર્યાદા ૪૦૦ યુઆન (લગભગ રૂ.૪૦૦૦) રાખવામાં આવી છે. નવા નિયમો હેઠળ ગેમ રમનાર બાળકોએ પોતાના અસલી નામ પર રજિસ્ટ્રેશન કરાવવું અનિવાર્ય હશે. તેમને ચીની મેસેજિંગ સોશિયલ મીડિયા વીચેટ પર પોતાના એકાઉન્ટ, ફોન નંબર, આઇડી નંબર જેવી માહિતી આપવી પડશે. 

સરકારે જારી કરેલા દિશા-નિર્દેશમાં ગેમ નિર્માતાઓએ પોતાના ગેમ કન્ટેન્ટ અને નિયમોમાં બદલવા કરવા પણ કહ્યું હતું. થોડા સમય પહેલાં ચીનમાં પસાર થયેલો એક પ્રસ્તાવ ખાસ કરીને વાલીઓ માટે સમસ્યા બની ગયો હતો, જે હેઠળ દરેક માતા-પિતાએ પોતાનાં બાળકોને ૧૦ વાગ્યા પહેલાં સૂવડાવી દેવાં જરૂરી બનાવી દેવાયું હતું, પછી તેમનું હોમવર્ક પૂરું થયું હોય કે ન થયું હોય. 

વાલીઓને સપ્તાહના અંતમાં બાળકો માટે ટ્યૂટર રાખવા પર પણ પ્રતિબંધ મુકાયો હતો. નાનાં બાળકો માટે સૂવાનો સમય રાતના ૯ વાગ્યાનો નક્કી કરાયો હતો. ચીનમાં દુનિયાનું સૌથી મોટું વીડિયો ગેમ બજાર છે, પરંતુ બાળકોની નજીકની નજર કમજોર થવા અને ઓનલાઇન ગેમની લતને લઇ વધતી ચિંતાઓને લઇ ચીની સરકારે વીડિયો ગેમ ઇન્ડસ્ટ્રી પર અંકુશ મૂક્યો હતો.