કામની વાત / કેવી રીતે બને છે 5 વર્ષ નાના બાળકોના આધાર કાર્ડ? જાણો સ્ટેપ બાય સ્ટેપ પ્રોસેસ

બાળકોને સ્કૂલમાં એડમિશન લેવડાવવાનું હોય કે હેલ્થ લાભો લેવા હોય કે તેમના નામે રોકાણ કરવાનું હોય, દરેક માટે આધાર કાર્ડ એક મહત્વપૂર્ણ દસ્તાવેજ છે. પાંચ વર્ષથી ઓછી ઉંમરના બાળકો માટે ભારત સરકારે ખાસ જોગવાઈઓ કરી છે અને બાલ આધાર કાર્ડ રજૂ કર્યું છે. ચાલો જાણીએ કે તમે તમારા બાળક માટે આધાર કાર્ડ કેવી રીતે બનાવી શકો છો, તેના માટે કયા દસ્તાવેજોની જરૂર પડશે અને શું પ્રક્રિયા છે?

શુ છે બાલ આધાર?

બાલ આધાર એ આવું આધાર ઓળખપત્ર છે જે ખાસ કરીને પાંચ વર્ષથી ઓછી ઉંમરના બાળકો માટે બનાવવામાં આવે છે. પુખ્ત વયના લોકોની જેમ, આવા નાનાં બાળકોને ફિંગરપ્રિન્ટ અથવા આંખના સ્કેન જેવી બાયોમેટ્રિક માહિતી આપવાની જરૂર નથી, કારણ કે તેમનો શારીરિક વિકાસ હજી પણ ચાલી રહ્યો હોય છે અને બદલાતા રહે છે. તેના બદલે, આ કાર્ડ પર બાળકનો ફોટો, નામ, જન્મતારીખ અને માતા-પિતા પૈકી એકની મૂળભૂત વિગત હોય છે.

બાલ આધાર કાર્ડ માટે કયા જવું?

તે બનાવવું ઘણું મુશ્કેલ નથી. તમે કોઈપણ અધિકૃત આધાર સેવા કેન્દ્ર પર જઈ શકો છો. ઘણા હોસ્પિટલોમાં (સરકારી અને ખાનગી બંનેમાં) જન્મના સમયે જ આધાર નોંધણીની સુવિધા મળે છે. તેનો અર્થ એ થાય છે કે બાળકનું જન્મ પ્રમાણપત્ર અને બાલ આધાર બંનેની પ્રક્રિયા સાથે થઈ શકે છે.

બાલ આધાર કાર્ડ માટે જરૂરી દસ્તાવેજો

બાલ આધાર કાર્ડ માટે અરજી કરવા માટે કેટલાક અગત્યના દસ્તાવેજોની જરૂર પડશે. સૌપ્રથમ, બાળકનું જન્મ પ્રમાણપત્ર જોઈએ, જે હોસ્પિટલ દ્વારા આપવામાં આવી શકે છે અથવા નગરપાલિકા પાસેથી મેળવી શકાય છે. આ દસ્તાવેજ બાળકની ઓળખ અને જન્મ તારીખની પુષ્ટિ માટે જરૂરી છે.

બાલ આધાર કાર્ડ માટે આ રીતે કરો અરજી

• તમારા બાળક અને બધા જરૂરી દસ્તાવેજો સાથે નજીકના આધાર કેન્દ્ર પર જાઓ.
• નોંધણી ફોર્મમાં બાળકની વ્યક્તિગત વિગતો સાચી રીતે ભરો.
• જરૂરી દસ્તાવેજોની નકલ સ્ટાફને ચકાસણી માટે આપો.
• કેન્દ્ર પર બાળકનો ફોટો પડાવો, આ પગલામાં બાયોમેટ્રિક ડેટાની જરૂર નથી.
• નોંધણી પર્ચી મેળવો, જેમાં એક યુનિક નંબર હોય છે. જેનથી તમે ઓનલાઈન અરજીની સ્થિતિ તપાસવા માટે ઉપયોગ કરી શકો છો.

વધુ વાંચો: EMIમાં ક્રેડિટ કાર્ડથી કરો છો ખરીદી? તો ભૂલથી પણ આ 3 બાબતોને નજર અંદાજ ન કરતા

બાલ આધાર કાર્ડ બાળક માટે જરૂરી દસ્તાવેજ છે, જે ભવિષ્યમાં એડમિશન, હેલ્થ બેનિફિટ અને અન્ય સેવા માટે ઉપયોગી બને છે. 5 વર્ષથી નાના બાળકો માટે સરળ પ્રક્રિયા દ્વારા આ આધાર કાર્ડ બનાવાવી શકાય છે, જેમાં ફક્ત ફોટો અને આધાર ધરાવનાર પેરેન્ટની ડિટેઈલ્સ જ જરૂરી હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ