કામની વાત / માનો કે તમારી પાસે ક્રેડિટ કાર્ડ નથી, તો ઈમરજન્સીમાં રૂપિયા ક્યાંથી મળશે?

Cheapest Loan in Emergency: કટોકટીના સમયે જ્યારે તમને નાણાંની જરૂર હોય, ત્યારે ક્રેડિટ કાર્ડ લોન એક ઉત્તમ વિકલ્પ સાબિત થઈ શકે છે. પછી ભલે તે ઘરના તાત્કાલિક ખર્ચ માટે હોય, બાળકોની સ્કૂલની ફી ભરવા માટે હોય કે પારિવારિક લગ્ન પ્રસંગ માટે હોય. તમે તમારા ક્રેડિટ કાર્ડ પર લોન લઈ શકો છો અને બાદમાં તમારી અનુકૂળતા મુજબ વ્યાજ સાથે તેની ચુકવણી કરી શકો છો. પરંતુ જો તમારી પાસે ક્રેડિટ કાર્ડ ન હોય તો શું? આજે અમે તમને કેટલાક એવા ઉત્તમ વિકલ્પો વિશે જણાવવા જઈ રહ્યા છીએ જેના માટે ક્રેડિટ કાર્ડની જરૂર નથી અને જે તમને ઓછા ખર્ચે લોન મેળવવાની સુવિધા આપે છે.

સૌથી સસ્તી લોન ક્યાં મળી શકે?

• ગોલ્ડ લોન: જો તમારી પાસે સોનું હોય, તો તમે તેને ગીરો મૂકીને લોન મેળવી શકો છો. તેના પર વ્યાજ દર પણ ઘણા ઓછા હોય છે, જે 8% થી 10% ની વચ્ચે હોય છે.
• PPF અથવા LIC સામે લોન : તે સરકારી યોજના હોય કે વીમા પૉલિસી, જરૂરિયાતના સમયે લોન મેળવવા માટે બંને ઉત્તમ વિકલ્પો સાબિત થઈ શકે છે. તમે 'સરેન્ડર વેલ્યુ' (સમર્પણ મૂલ્ય) સામે ખૂબ જ ઓછા વ્યાજ દરે લોન મેળવી શકો છો.
• FD પર લોન: બેંકો તમારી ફિક્સ્ડ ડિપોઝિટ (FD) ની રકમના 90% સુધીની લોન આપે છે. આ માટે વસૂલવામાં આવતો વ્યાજ દર, FD પર મળતા વ્યાજ દર કરતાં માત્ર 1–2% જેટલો જ વધારે હોય છે.

લોન લેવા માટે અમુક અને સરળ વિકલ્પ

જો તમારી પાસે ગીરવી મૂકવા માટે કોઈ સંપત્તિ ન હોય, તો પણ તમે અન્ય વિવિધ પદ્ધતિઓ દ્વારા લોન મેળવી શકો છો. આવો જ એક Buy Now, Pay Later નો વિકલ્પ છે . Amazon, Paytm અથવા Flipkart જેવી એપ્લિકેશન્સ જરૂરિયાતના સમયે ઉપયોગ કરવા માટે થોડા હજાર રૂપિયા સુધીની ક્રેડિટ લિમિટની સુવિધા આપે છે. જો સમયસર ચુકવણી કરવામાં આવે, તો કોઈ વ્યાજ વસૂલવામાં આવતું નથી.

આ પણ વાંચોઃ ફ્રેશર્સ માટે એરપોર્ટ ઓથોરિટી ઓફ ઈન્ડિયામાં કામ ઉત્તમ તક, જાણી લો અરજી કરવાની છેલ્લી તારીખ

આ ઉપરાંત, KreditBee, Moneytrap અને NAVI જેવી એપ્લિકેશન્સ પણ છે જે માત્ર PAN અથવા આધાર કાર્ડના આધારે થોડા હજાર રૂપિયા સુધીની લોન આપે છે. કેટલીક એપ્લિકેશન્સ તમારા પગારના આધારે નાની અને ત્વરિત લોન પણ પૂરી પાડે છે.

DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ